Prezident Qasym-Jomart Toqaev Ulttyq dombyra kúnine orai áleýmettik jelidegi H paraqshasynda quttyqtaý jariialady, dep habarlaidy Dalanews.kz.
"Ulttyq dombyra kúni qutty bolsyn! Bul merekeniń qazaq rýhaniiaty úshin mán-mańyzy zor. Qasterli aspap dala órkenietiniń ajyramas bóligine ainaldy. Tól mádenietimizdiń qundy qazynasyn saqtaý – barshamyzdyń paryzymyz. Dombyra tórden túspesin!", – dep jazdy memleket basshysy.
Ulttyq dombyra kúni alǵash ret Qazaqstanda 2018 jyly shildede toilandy. Tiisti jarlyqqa eldiń tuńǵysh prezidenti Nursultan Nazarbaev qol qoiǵan bolatyn. Sodan beri shildeniń alǵashqy jeksenbisinde meiram qurmetine kontsertter men merekelik sharalar ótedi.
Eske salaiyq, 7 shildede EKSPO aýmaǵynda Ulttyq dombyra kúnine arnalǵan "Zamanaýi dombyra" merekelik shoý-kontserti ótedi, dep habarlaidy Astana ákimdiginiń resmi saity.
Kontserttik baǵdarlamanyń tujyrymdamasy – zamanaýi baletpen ushtastyra otyryp, qazaq etnikalyq dombyra aspabynyń áleýetin zertteýge jáne kórsetýge baǵyttalǵan mýltimediialyq interaktivti tehnologiialardy paidalana otyryp, mýzykalyq perfomans daiyndaý.
Is-sharany uiymdastyrýshylar atap ótkendei, mýzykanttardyń, sýretshilerdiń, balet ártisteriniń jáne grafikalyq mamandardyń yntymaqtastyǵy arqyly dombyra basty ról atqaratyn innovatsiialyq dybystyq jáne kórneki shyǵarma jasalady.
Shoý tanymal qazaqstandyq oryndaýshylar, sondai-aq elorda turǵyndary men qonaqtary arasynda ulttyq aspapty keńinen dáripteýge baǵyttalǵan.
Merekelik kontserttiń júrgizýshileri: Marat Oralǵazin men Erkebulan Myrzabek.
Kesh qonaqtary: Kalifarniya, Aqtoty Bolshova, "Qorqyt" etno-folklorlyq ansambli, "Serper" virtýozdar dombyrashylar ansambli, "SAZ" etno toby, "Steppe Sons", "Assyl", "T&Y", "Art-dombyra", "Aldaspan", Dj Godýnov.
Is-shara EKSPO aýmaǵynda 7 shildede saǵat 18:00-de ótedi.
Almatyda 7 shilde kúni saǵat 20:00-de Respýblika saraiynyń aldyndaǵy Abai alańynda "Ańyz Dombyra" kontserti ótedi.
Sahnada Roza Rymbaeva, Maqpal Júnisova, Seken Turysbek, Aigúl Qosanova, Asylbek Eńsepov, Sholpan Darjanova, Ábdilhamit Raiymbergenov, Nurken Áshirov, Ardaq Balajanova, Nurjan Janpeiisov, "Qońyr" toby, "Sazgen" folklorlyq-etnografiialyq ansambli, "Saltanat" bi ansambli jáne t.b. óner kórsetedi.
Tanymal kúishiler Kenen Ázirbaev, Tólegen Mombekov, Áset Beiseýov, Meirambek Janbolatov jáne t.b. halyq ánderi men shyǵarmalaryn oryndaidy.
Buǵan qosa, shahar turǵyndary men qonaqtary merekege orai uiymdastyrylǵan mádeni is-sharalardy tamashalai alady.
