«Búginderi Jańa Qazaqstannyń ne ekenin túsindirý óte mańyzdy. Ár azamattyń buǵan qatysty óz kózqarasy bar ekeni belgili. Men buǵan deiin aitqanymdai, Jańa Qazaqstan degenimiz bul - Ádiletti Qazaqstan. Ony qurýǵa árqaisymyz óz úlesimizdi qosýymyz kerek.
Jańa Qazaqstan naqty kórsetkishteri bar jol kartasy emes. Bul memleket pen qoǵamdy damytý júiesin túbegeili jańǵyrtý degen sóz. Bul memleket pen qoǵamdy damytý júiesin túbegeili jańǵyrtý degen sóz dep men taǵy da aitqym keledi», - dedi QR Prezidenti.
Memleket basshysynyń atap ótýinshe, Jańa Qazaqstan – bul jyldam qubylmaly álemde bizdiń jalpyulttyq biregeiligimizdi nyǵaitatyn jol.
«Jańa Qazaqstan túsiniginiń ózin bulǵaqtatýǵa múldem bolmaidy. Bizde mundai ádet bar», – Qasym-Jomart Toqaev.
Prezidenttiń atap ótkenindei Jańa Qazaqstan ádilettilik aimaǵyna ainalýy tiis.
"Ol úshin zańnyń árpin ǵana emes, rýhyn da saqtaý qajet. Zań bul - dogma emes. Olar jetildirilýi tiis jáne munda búkil Parlamenttiń jáne de árine, Assambleianyń róli úlken. Zańdar azamattardy tolǵandyratyn ózekti máselelerdi sheshý úshin jetildirilýi qajet», - dedi Memleket basshysy.
Prezident alǵa serpilis jasaý úshin sátti kezeńdi kútýdiń qajeti joqtyǵyn, qazirden-aq kidirmesten áreket jasaý kerektigin basa aitty.
«Elimizdiń teńdesiz bailyǵy ári ózgeristerdiń basty qozǵaýshysy bul - adamdar, bizdiń azamattarymyz. Sondyqtan árbir azamat ózinen bastaýy tiis. Ortaq iske barlyq azamat jumylmai memlekettik apparat ne bolmasa qandai da bir saiasi sheshimder men ekonomikalyq tetik bizdiń eldi jańartý maqsatymyzǵa jetkize almaidy.
Jańa Qazaqstandy qurý úshin bizge derbes jáne qoǵamdyq qundylyqtar júiesin tolyǵymen qaitadan formattaý talap etiledi», - dedi Qasym-Jomart Toqaev.
