Prezident Qasym-Jomart Toqaev Qazaqstanda qyz alyp qashýǵa tyiym salý týraly zańǵa qol qoidy, dep habarlaidy Dalanews.kz.
Memleket basshysy «Qazaqstan Respýblikasynyń keibir zańnamalyq aktilerine Qazaqstan Respýblikasynyń qylmystyq zańnamasyn ońtailandyrý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
Zańmen Qylmystyq, Qylmystyq-protsestik, Qylmystyq-atqarý kodeksterine, «Neke (erli-zaiyptylyq) jáne otbasy týraly» kodeksine, «Jedel-izdestirý qyzmeti týraly», «Tólemder jáne tólem júieleri týraly» jáne basqa da zańdarǵa túzetý engizildi.
Túzetýlerdiń birinshi blogy qylmystyq zańnamanyń turaqtylyǵyn qamtamasyz etedi.
Túzetýlerdiń ekinshi blogy qylmystyq zańnamany jetildirýdi jáne keibir qoǵamdyq qaýipti áreketter úshin jaýapkershilikti arttyrýdy kózdeidi.
Túzetýlerdiń úshinshi blogy qylmystyq protseste azamattardyń quqyqtaryn qorǵaýdy kúsheitýge, qylmystyq protsesti ońtailandyrýǵa baǵyttalǵan.
Túzetýlerdiń tórtinshi blogy qylmystyq-atqarý zańnamasyn jetildirýge arnalǵan.
