پرەزيدەنت قاسىم-جومارت توقايەۆ قازاقستاندا قىز الىپ قاشۋعا تىيىم سالۋ تۋرالى زاڭعا قول قويدى، دەپ حابارلايدى Dalanews.kz.
مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ قىلمىستىق زاڭناماسىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
زاڭمەن قىلمىستىق، قىلمىستىق-پروسەستىك، قىلمىستىق-اتقارۋ كودەكستەرىنە، «نەكە (ەرلى-زايىپتىلىق) جانە وتباسى تۋرالى» كودەكسىنە، «جەدەل-ىزدەستىرۋ قىزمەتى تۋرالى»، «تولەمدەر جانە تولەم جۇيەلەرى تۋرالى» جانە باسقا دا زاڭدارعا تۇزەتۋ ەنگىزىلدى.
تۇزەتۋلەردىڭ ءبىرىنشى بلوگى قىلمىستىق زاڭنامانىڭ تۇراقتىلىعىن قامتاماسىز ەتەدى.
تۇزەتۋلەردىڭ ەكىنشى بلوگى قىلمىستىق زاڭنامانى جەتىلدىرۋدى جانە كەيبىر قوعامدىق ءقاۋىپتى ارەكەتتەر ءۇشىن جاۋاپكەرشىلىكتى ارتتىرۋدى كوزدەيدى.
تۇزەتۋلەردىڭ ءۇشىنشى بلوگى قىلمىستىق پروسەستە ازاماتتاردىڭ قۇقىقتارىن قورعاۋدى كۇشەيتۋگە، قىلمىستىق پروسەستى وڭتايلاندىرۋعا باعىتتالعان.
تۇزەتۋلەردىڭ ءتورتىنشى بلوگى قىلمىستىق-اتقارۋ زاڭناماسىن جەتىلدىرۋگە ارنالعان.
