Kompaniianyń bas direktory Vadim Basin Qasym-Jomart Toqaevqa kómir óndirisi bólimshesin damytý jóninde baiandady, dep habarlaidy Dalanews.kz.
Atap aitqanda, byltyr kómir tek 3 shahtadan óndirilse, endi Prezident tapsyrmasyna sai qysqa merzim ishinde barlyq 8 shahtadaǵy jumys qalpyna keltirildi. Óndiristik qaýipsizdikti kúsheitý úshin aýqymdy jumystar qolǵa alyndy.
Prezident shahterlerdiń óndiristegi qaýipsizdigin qamtamasyz etý baǵytynda qabyldanǵan tyń sharalarmen tanysty. Dispetcherler naqty ýaqyt rejiminde barlyq shahtadaǵy ahýaldy baqylap, gaz deńgeiine taldaý júrgize alady. Budan bólek kenshilerdiń jumysyn úilestirip, olarmen beinebailanys ornatady. Sonymen qatar ortalyqta júiedegi qaýipsizdik baqylanyp, óndiristik kórsetkishter men protsesterdiń oryndalý barysyna monitoring júrgiziledi. 2025 jyldyń sońyna deiin barlyq 8 shahtadaǵy kenshilerdiń júrgen jeri men densaýlyq jaǵdaiyn naqty anyqtaityn qondyrǵy júiesi ornatylady.
Memleket basshysy "Saran" shahtasynda, 620 metr tereńdikte jumys istep jatqan kenshilermen beinebailanys arqyly sóilesti. Kásiporyn jumysshylardy jańa alarmphone qurylǵysymen jabdyqtaǵan. Qorǵanys deńgeii asa joǵary gadjette qyzmetkermen jedel bailanysýǵa arnalǵan smartfon fýnktsiiasy bar.
Qasym-Jomart Toqaev kenshilerge jankeshti jumysy úshin alǵys aityp, shahterlerdiń qyzmetinde eńbek qaýipsizdigin saqtaý mańyzdy ekenine nazar aýdardy.
