Memleket basshysy Qasym-Jomart Toqaev Resei Prezidenti Vladimir Pýtinmen kezdesý ótkizdi, - dep habarlaidy Dalanews.kz.
Áńgimelesý barysynda Memleket basshysy ShYU sammitine qatysýǵa kelgeni úshin Vladimir Pýtinge rizashylyǵyn bildirdi. Sondai-aq Reseidiń «shanhai rýhyn» nyǵaitý isine jáne Uiymǵa múshe eldermen kópjaqty yntymaqtastyqty damytýǵa aitarlyqtai úles qosqanyn atap ótti.
"Shanhai yntymaqtastyq uiymyna tóraǵalyq etý – óte mártebeli ári jaýapty missiia. Erteń bizdiń tóraǵalyǵymyz aiasynda atqarylǵan jumystar týraly baiandaimyn. Uiymnyń ózinde reforma júrgizilip jatyr. Áitse de bul ońai sharýa emes. ShYU halyqaralyq arenada laiyqty bedelge ie boldy. Meniń oiymsha, bul – eń tabysty halyqaralyq uiymdardyń biri. Sonymen qatar bul – demokratiialyq sipattaǵy uiym, iaǵni barlyq memlekettiń teńdik qaǵidaty saqtalady. Árine, Shanhai yntymaqtastyq uiymynyń áleýetin nyǵaitýǵa Reseidiń qosqan eleýli úlesin atap ótpeske bolmaidy. Osy oraida tóraǵa quqyǵyn paidalanyp, Sizge alǵys aitqym keledi", – dedi Prezident.
Memleket basshysy strategiialyq seriktestik pen odaqtastyqqa negizdelgen qazaq-resei qatynastarynyń qazirgi jai-kúii men damý perspektivasy jóninde aitty.
Qasym-Jomart Toqaev Vladimir Pýtinniń Qazaqstanǵa byltyr qarasha aiynda jasaǵan tarihi saparynan keiin ekijaqty yntymaqtastyq qarqyndy damyp kele jatqanyna nazar aýdardy.
"Buǵan deiin qol jetkizilgen ýaǵdalastyqtardyń júzege asyrylý barysyn óz baqylaýymda ustap otyrmyn. Sizdiń saparyńyz kezinde kelisilgen jobalardyń mańyzy zor jáne elderimizdiń ózara yqpaldastyǵynyń strategiialyq sipatymen ushtasady. Sondyqtan olardyń júzege asatynyna esh kúmánim joq. Óitkeni bul jobalar Qazaqstan men Resei Federatsiiasynyń múddelerine sai keledi", – dedi Memleket basshysy.
Qasym-Jomart Toqaev Vladimir Pýtindi biyl kúzde elimizge taǵy da memlekettik saparmen kelýge, sonymen birge UQShU Ujymdyq qaýipsizdik keńesiniń otyrysyna qatysýǵa shaqyrdy.
