Memleket basshysy Resei Prezidenti Vladimir Pýtinge quttyqtaý jedelhatyn joldady, dep habarlaidy dalanews.kz.
Prezident Qasym-Jomart Toqaev Resei Federatsiiasynyń Prezidenti Vladimir Pýtindi toǵyzynshy shaqyrylymdaǵy Memlekettik Dýma sailaýynyń tabysty ótýimen quttyqtady.
Memleket basshysy atalǵan sailaý Reseidiń qoǵamdyq-saiasi ómirindegi mańyzdy oqiǵa ekenin, al daýys berý nátijesi Reseidiń uzaqmerzimdi múddesin qorǵaýǵa baǵyttalǵan Vladimir Pýtinniń strategiialyq baǵdaryn halyq keńinen qoldaitynyna aiqyn dálel bolǵanyn atap ótken.
– Sailanǵan Memlekettik Dýma depýtattary azamattardyń ál-aýqatyn kóterý jáne Reseidiń álemdik derjava retindegi áleýetin nyǵaitý maqsatynda tiimdi sharalar men sheshimder qabyldaitynyna kúmán joq, – delingen quttyqtaýda.
Jedelhatta Qazaqstan-Resei odaqtastyq qarym-qatynasynyń mańyzdy bóligi retinde parlamentaralyq yqpaldastyqqa airyqsha nazar aýdarylǵan.
Qazaqstan Prezidenti Quryltai depýtattary men Resei parlamentariileri eki el arasyndaǵy san qyrly yntymaqtastyq pen strategiialyq seriktestikti odan ári damytý úshin birlesken jumysty belsendi jalǵastyratynyna senim bildirdi. Qasym-Jomart Toqaev Vladimir Pýtinniń Resei Federatsiiasynyń órkendeýi jolyndaǵy memlekettik qyzmetine tolaiym tabys tiledi.
