– Menen el ishinde de, shetelde de qazirgi Memleket basshysy óziniń ókilettik merzimin referendým arqyly uzartýǵa, bylaisha aitqanda, prezidenttik merzimin jańadan bastaýǵa nietti me dep surap jatady. Meniń jaýabym: mundai niet joq jáne bolmaidy.
Usynylǵan saiasi jańǵyrtý baǵdarlamasy óziniń mazmuny boiynsha óte aýqymdy. Biraq basty nazar adam quqyqtary men bostandyǵyn qorǵaý júiesin nyǵaitýǵa, azamattardyń memlekettik basqarýǵa qatysýyn keńeitýge, memlekettik institýttardyń ashyqtyǵy men tiimdiligin arttyrýǵa baǵyttalǵan, – dedi Toqaev.
Sondai-aq, Prezidet bul shara elimizdegi demokratiialyq dástúrlerdi nyǵaitý jolyndaǵy mańyzdy qadam ekenin aitty.
– Qazaqstanda Konstitýtsiiaǵa ózgerister men tolyqtyrýlar engizý boiynsha jalpyhalyqtyq referendým alǵash ret ótedi. Bul shara elimizdegi demokratiialyq dástúrlerdi nyǵaitý jolyndaǵy mańyzdy qadam bolmaq. Elimizdiń azamattary jalpy konstitýtsiialyq reformalardyń mańyzyn túsinedi.
Qoǵamymyzda referendýmǵa úlken qyzyǵýshylyq bar. Shetelde de. Bul qoǵamdyq-saiasi ózgeristerge degen keń áleýmettik suranysty jáne halyqtyń aldaǵy ózgeristerge degen senimin kórsetedi. Bul – zańdylyq. Óitkeni reformalar jeke tulǵalardyń, sonyń ishinde Prezidenttiń artyqshylyqtaryn arttyrý emes, búkil qoǵam múddesi úshin júrgizilip jatyr, – dedi Memleket basshysy.
