Ázilkeshtiń oıyn kóp senatordyń biri emes, Senattyń Tóraǵasy Qasym-Jomart Toqaevtyń ózi qoldady. Ol Qabatovtyń usynysyna qatysty pikirin Twitter-degi paraqshasynda jazyp, óziniń bul usnysty qoldaıtynyn bildirdi.
– Belgili ártis Tursynbek Qabatov mektep baǵdarlamasyna dombyra úırený sabaqtaryn engizýdi usyndy. Fakúltatıv retinde engizýdi qoldaımyn, – depti Senat Tóraǵasy.
Iá, dombyrany fakúltatıvti sabaq retinde engizýdi barlyq qazaq qoldaıtyny anyq. Q.Toqaev qolynda bıligi bar elimizdegi yqpaldy saıasatker ekenin bilemiz. Sondyqtan Tursynbektiń bastamasyn Toqaev qur sózben qoldaý kórsetpeı, naqty ispen qoldaý kórsetse jón bolar edi.
Toqaev «qoldaımen» degen Tursynbek te qarap qalmaı, bul istiń sońyna túsip, kókeıdegi oıynyń iske asyrǵansha jarǵaq qulaqtary jastyqqa tımeı jumys istegeni durys. Áıtpese mundaı ıdeıany talaı adam aıtty ǵoı. Qazir bizde isten góri sóz kóp bolyp tur ǵoı.
