ازىلكەشتىڭ ويىن كوپ سەناتوردىڭ ءبىرى ەمەس، سەناتتىڭ ءتوراعاسى قاسىم-جومارت توقايەۆتىڭ ءوزى قولدادى. ول قاباتوۆتىڭ ۇسىنىسىنا قاتىستى پىكىرىن Twitter-دەگى پاراقشاسىندا جازىپ، ءوزىنىڭ بۇل ۇسنىستى قولدايتىنىن ءبىلدىردى.
– بەلگىلى ءارتىس تۇرسىنبەك قاباتوۆ مەكتەپ باعدارلاماسىنا دومبىرا ۇيرەنۋ ساباقتارىن ەنگىزۋدى ۇسىندى. فاكۋلتاتيۆ رەتىندە ەنگىزۋدى قولدايمىن، – دەپتى سەنات ءتوراعاسى.
ءيا، دومبىرانى فاكۋلتاتيۆتى ساباق رەتىندە ەنگىزۋدى بارلىق قازاق قولدايتىنى انىق. ق.توقايەۆ قولىندا بيلىگى بار ەلىمىزدەگى ىقپالدى ساياساتكەر ەكەنىن بىلەمىز. سوندىقتان تۇرسىنبەكتىڭ باستاماسىن توقايەۆ قۇر سوزبەن قولداۋ كورسەتپەي، ناقتى ىسپەن قولداۋ كورسەتسە ءجون بولار ەدى.
توقايەۆ «قولدايمەن» دەگەن تۇرسىنبەك تە قاراپ قالماي، بۇل ءىستىڭ سوڭىنا ءتۇسىپ، كوكەيدەگى ويىنىڭ ىسكە اسىرعانشا جارعاق قۇلاقتارى جاستىققا تيمەي جۇمىس ىستەگەنى دۇرىس. ايتپەسە مۇنداي يدەيانى تالاي ادام ايتتى عوي. ءقازىر بىزدە ىستەن گورى ءسوز كوپ بولىپ تۇر عوي.
