Qazaqstan parlamenti senatynyń tóraǵasy Qasym-Jomart Toqaev reseilik aviatsiiany Siriiadan shyǵarý týraly sheshimge qoldaý bildirdi.
Toqaevtyń búgin Twitter áleýmettik jelisindegi paraqshasynda: «Kremldiń áýe kúshterin shyǵarý jáne Siriiadaǵy áskeri qimyldardy toqtatý týraly sheshimi shynaiy bitim men beibit úderiske jaǵdai jasaidy», — dep jazylǵan.
Resei prezidenti Vladimir Pýtin 15 naýryzdan bastap Siriiadaǵy áskerdi áketýdi buiyrdy. Bul buiryqqa Jenevada Siriiadaǵy jaýlasqan taraptar arasyndaǵy kelissózder bastalǵan dúisenbi, 14 naýryzda qol qoiyldy.
Pýtin áskerilerdiń qoiylǵan tapsyrmany oryndaǵanyn aityp, áskerdi shyǵarý shielenisti saiasi jolmen sheshýge túrtki bolatynyna senim bildirdi. Pýtinniń aitýynsha, Resei áskeri shoǵyrlanǵan Tartýs jáne Hmeimimdegi bazalar burynǵy tártippen jumys istei bermek. Resei prezidentiniń baspasóz hatshysy Dmitrii Peskov Siriia prezidenti Bashar Asadtyń Pýtinniń sheshimimen keliskenin aitty.
Resei Siriiadaǵy áýe soqqylaryn 30 qyrkúiekte bastaǵan edi.
