قازاقستان پارلامەنتى سەناتىنىڭ ءتوراعاسى قاسىم-جومارت توقايەۆ رەسەيلىك اۆياسيانى سيريادان شىعارۋ تۋرالى شەشىمگە قولداۋ ءبىلدىردى.
توقايەۆتىڭ بۇگىن Twitter الەۋمەتتىك جەلىسىندەگى پاراقشاسىندا: «كرەملدىڭ اۋە كۇشتەرىن شىعارۋ جانە سيرياداعى اسكەري قيمىلداردى توقتاتۋ تۋرالى شەشىمى شىنايى ءبىتىم مەن بەيبىت ۇدەرىسكە جاعداي جاسايدى»، — دەپ جازىلعان.
رەسەي پرەزيدەنتى ۆلاديمير پۋتين 15 ناۋرىزدان باستاپ سيرياداعى اسكەردى اكەتۋدى بۇيىردى. بۇل بۇيرىققا جەنيەۆادا سيرياداعى جاۋلاسقان تاراپتار اراسىنداعى كەلىسسوزدەر باستالعان دۇيسەنبى، 14 ناۋرىزدا قول قويىلدى.
پۋتين اسكەريلەردىڭ قويىلعان تاپسىرمانى ورىنداعانىن ايتىپ، اسكەردى شىعارۋ شيەلەنىستى ساياسي جولمەن شەشۋگە تۇرتكى بولاتىنىنا سەنىم ءبىلدىردى. ءپۋتيننىڭ ايتۋىنشا، رەسەي اسكەرى شوعىرلانعان تارتۋس جانە حمەيميمدەگى بازالار بۇرىنعى تارتىپپەن جۇمىس ىستەي بەرمەك. رەسەي پرەزيدەنتىنىڭ باسپا ءسوز حاتشىسى دميتريي پەسكوۆ سيريا پرەزيدەنتى باشار اسادتىڭ ءپۋتيننىڭ شەشىمىمەن كەلىسكەنىن ايتتى.
رەسەي سيرياداعى اۋە سوققىلارىن 30 قىركۇيەكتە باستاعان ەدى.
