Qasym-Jomart Toqaev elordadaǵy birqatar nysandy aralap kórdi. Prezident eń aldymen Kazakhstan International School Astana (KIS Astana) mektebine bardy, - dep habarlaidy Dalanews.kz.
20 myń sharshy metrden astam aýmaqta ornalasqan bilim berý mekemesi 800 oqýshyǵa jáne mektep jasyna deiingi 120 balaǵa eseptelgen. Mektep halyqaralyq bakalavriat (IB) akkreditatsiiasynan ótken. Bul bedeldi baǵdarlama úsh baǵytty qamtidy. Atap aitqanda, 5-ten 10 jasqa deiingi balalarǵa arnalǵan bastaýysh (Primary Years Programme, PYP), 11-den 16 jasqa deiingi balalarǵa eseptelgen orta (Middle Years Programme, MYP) jáne 16-19 jas aralyǵyndaǵy eresek oqýshylarǵa beiimdegen diplomdyq oqý baǵdarlamasy (Diploma Programme, IB) bar.
Oqý kabinetteri árbir oqýshynyń alańsyz bilim alýyna jáne qarym-qabiletin ashýyna qolaily jaǵdai jasaityn zamanaýi tehnologiialarmen jabdyqtalǵan. Sonymen qatar mektepte fýtbol stadiony, tennis korty, shaǵyn fýtbol alańy jáne bassein sekildi sport infraqurylymy qarastyrylǵan.
Memleket basshysy Qazaqstanda bilim berý deńgeiin arttyrýdyń mańyzdy ekenin atap ótti. Ásirese, jas býynnyń básekege qabiletin shyńdaýda ári jan-jaqty damytýda osyndai oqý oryndary erekshe ról atqaratynyna nazar aýdardy.
