Qasym-Jomart Toqaev Kaspi.kz kompanıasynyń negizin qalaýshylar Vácheslav Kım men Mıhaıl Lomtadzeni qabyldady, - dep habarlaıdy Dalanews.kz.

Prezıdentke Kaspi.kz kompanıasy qyzmetiniń nátıjeleri men shaǵyn jáne orta bıznesti damytýǵa arnalǵan jańa servıs qurý jospary jóninde málimet berildi.

Memleket basshysyna usynylǵan aqparatqa sáıkes, búginde 700 myńǵa jýyq otandyq kásipker óz bıznesin Kaspi.kz tehnologıalarynyń kómegimen damytyp jatyr. Bıylǵy birinshi jartyjyldyqtyń ózinde taýarlar men qyzmetter úshin 12 trıllıon teńge kóleminde qolma-qol aqshasyz tólem jasalyp, 150 myń jeke kásipker tirkelgen.

Memlekettik organdarmen birlesip ázirlengen onlaın-servısterdiń kómegimen qazaqstandyqtar salyqtardy merziminde tóleý múmkindigine ıe boldy. 2024 jyldyń 6 aıynda atalǵan qyzmetter arqyly búdjetke 1,1 trıllıon teńgeden astam salyqtar men basqa da tólemder túsken.

Qasym-Jomart Toqaev elimizdegi shaǵyn jáne orta kásipkerlikti órkendetýdiń mańyzdy ekenin atap ótip, Kaspi.kz aksıonerlerine qoldaý bildirdi.