Memleket basshysy Qasym-Jomart Toqaev jasandy intellekt salasyna mamandanǵan zertteý ýniversitetin ashýdy tapsyrdy, dep habarlaidy Dalanews.kz.
"Oqý ornyna arnaiy mártebe bergen jón. Sondai-aq, bul jumysqa álemdik úzdik oqý oryndaryn seriktes retinde tartý qajet. Úkimet jyl sońyna deiin osy másele boiynsha naqty usynys berýge tiis. Osyndai jańa oqý orny bizge ne úshin qajet degen saýal da týyndaýy múmkin. Basty maqsat – ekonomikanyń barlyq salasyna jasandy intellekt tehnologiiasyn engizetin bilikti mamandardy daiarlaý. Zertteý ýniversiteti ǵylym-bilim, innovatsiia jáne halyqaralyq bailanys ortalyǵy retinde jumys isteýi kerek. Qazirgi jahandyq bilim jáne tehnologiia naryǵynda báseke óte joǵary. Daryndy jastarymyz álemdik deńgeidegi sapaly bilimdi tek shetelden emes, óz elimizden de alǵany durys. Bul – Qazaqstannyń bolashaǵyna tikelei áseri bar óte mańyzdy másele, – dedi Prezident.
Memleket basshysy jasandy intellektini bilim berý júiesine keńinen engizý qajet dep sanaidy.
"Derbes oqytý – revoliýtsiialyq múmkindik. Ádettegi «Barlyǵyna bir baǵdarlama» modeli zaman talabyna sai kelmeidi. Ár oqýshynyń ózine tán ereksheligi bar. Biri matematikaǵa júirik bolsa da, til úirengen kezde qinalady. Endi biri gýmanitarlyq pánderge jetik bolsa, biri fizikaǵa shorqaq. Jasandy intellekt arqyly osy olqylyqty joiýǵa bolady. JI negizinde qurylǵan bilim júiesinde ár oqýshynyń qarym-qabiletine sáikes jeke oqytý baǵdarlamasyn ázirlei alamyz. Sonyń nátijesinde jastardyń áleýeti men oqýǵa yntasy artady. Halyqaralyq tájiribede mundai sátti mysaldar jetkilikti. Máselen, AQSh-ta DreamBox jáne Knewton siiaqty bilim berý platformalary matematika kýrsyn ár oqýshyǵa beiimdep oqytady. Ońtústik Koreiada jasandy intellektini til úirený úshin qoldanady. Qazaqstanda da mundai tásilge júginýdiń airyqsha mańyzy bar. Ásirese, kópetnosty el retinde biz tildik, mádeni nemese jalpy bilim deńgeii ártúrli balalardyń bárine teń jaǵdai jasaýdy oilaýymyz kerek", – dedi Qasym-Jomart Toqaev.
