Memleket basshysy Qasym-Jomart Toqaev «Mindetti áleýmettik meditsinalyq saqtandyrý jáne meditsinalyq kómek kórsetý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» zańǵa qol qoidy, dep habarlaidy Dalanews.kz.
Zań mindetti áleýmettik meditsinalyq saqtandyrý (MÁMS) jáne meditsinalyq qyzmetter kórsetý salasyn retteitin qoldanystaǵy zańnamalarǵa ózgerister men tolyqtyrýlar engizýdi kózdeidi.
Qujatta qarastyrylǵan negizgi ózgerister:
- Biryńǵai meditsinalyq kómek paketin qalyptastyrý;
- MÁMS júiesi boiynsha jarnalar men aýdarymdardy esepteý úshin qabyldanatyn ailyq tabystyń joǵarǵy shegin arttyrý;
- Jumyssyz retinde tirkelgen azamattar men áleýmettik ál-aýqaty daǵdarystyq nemese tótenshe deńgeidegi tulǵalar úshin MÁMS jarnalaryn jergilikti biýdjet qarajaty esebinen tóleý;
- Memleket tarapynan tólenetin jarna mólsherlemelerin kezeń-kezeńimen ózgertý;
- Qazaqstan azamattary tegin meditsinalyq kómektiń keńeitilgen túrlerine – vaktsinatsiia, onkoskriningter, áleýmettik mańyzy bar aýrýlardy diagnostikalaý jáne emdeýge qol jetkizedi.
Atap aitqanda, MÁMS júiesiniń qaǵidattaryn keńeitý jáne memleket jarnalaryn tóleý mólsherlemesin kezeń-kezeńimen ózgertý, sondai-aq jarna tólemi ýaqytsha úziliske ushyraǵan jaǵdaida saqtandyrylǵan mártebeni qorǵaý qarastyrylǵan.
Máselen, eger adam ózi nemese ol úshin 60 ai boiy úzilissiz jarna nemese aýdarym tólegen bolsa, jarna tóleý toqtatylǵan sátten bastap alty ai ishinde MÁMS júiesi aiasynda meditsinalyq kómek alýǵa quqyǵy saqtalady. Alaida bul quqyq jarnanyń tólenbegen kezeńi úshin tólem jasaýdan bosatpaidy.
Jarna men aýdarymdardy esepteý tártibi:
- Aýdarymdar úshin esepteletin ailyq tabys qyzmetkerge eseptelgen barlyq tabys túrleri boiynsha esepteledi jáne respýblikalyq biýdjet týraly zańmen tiisti qarjy jylyna belgilengen eń tómengi jalaqynyń 40 eselengen mólsherinen aspaýy tiis.
- Jarnalar úshin esepteletin ailyq tabys barlyq tabys túrleriniń jiyntyǵy boiynsha esepteledi jáne eń tómengi jalaqynyń 20 eselengen mólsherinen aspaýy tiis.
Osy baptyń birinshi bóliginde kórsetilgen tabys somasynan jarna tólengen jaǵdaida, jarnalar basqa tabys túrlerinen tólenbeidi, eger tiisti jarna tólengenin rastaityn qujat bolsa.
Mundai qujat – jumys berýshi nemese salyq agenti bergen, alynǵan tabys, eseptelgen jáne tólengen jarna somalary kórsetilgen anyqtama.
Atalǵan talaptar derbes tóleýshi bolyp tabylatyn jeke tulǵalarǵa qoldanylmaidy.
Zań 2026 jylǵy 1 qańtardan bastap kúshine enedi.
