«Aldymyzda airyqsha mańyzdy mindetter tur. Biz jan-jaqty jańǵyrtý jumysyn kúsheitýimiz qajet. Sondai-aq, áleýmettik-ekonomikalyq damý barysyna tyń serpin berýimiz kerek.
Elimiz uzaq ýaqyt boiy qolaily syrtqy ahýalǵa arqa súiep keldi. Neshe túrli tujyrymdamalarǵa, baǵdarlamalarǵa sendi. Atqarylǵan jumys týraly jalǵan esepke senýge májbúr boldy. Alaida, asa mańyzdy, ózekti máseleler nazardan tys qaldy. Halyqtyń turmys sapasy áli kúnge deiin jaqsy emes. Quqyqtyq ádiletsizdik beleń aldy. Bai men kedeidiń arasy alshaqtai tústi», – dedi Toqaev.
Memleket basshysynyń sózinshe, naqty basymdyqtar formatynda jumys isteý kerek.
«Asa mańyzdy máselelerdi dereý sheshý qajet. Biraq keibir máseleni keiinge qaldyrýǵa, al birqatary boiynsha aldaǵy sheshimderdiń tek jobasyn belgileýge týra keledi. Áitpese, eńbegimiz zaia ketedi jáne qolda bar resýrstarymyzdy sarqyp alamyz», – dedi prezident.
Toqaev aldaǵy Parlamentke aldaǵy besjyldyqta shaǵyn jáne orta biznesti qoldaýdy, ulttyq jobalar ýaqtyly jáne sapaly júzege asyrýdy júktedi.
«Biýdjettiń árbir tiyny tiimdi jumsalýy kerek. Osynyń bárine parlamenttik baqylaý jasaý airyqsha mańyzdy Ózderińizge daýys bergen azamattar úlken úmit kútip, senim artyp otyr. Depýtattar bilik pen qoǵamnyń áriptestigin nyǵaitýǵa úles qosýy qajet. Bul jumys «Halyq únine qulaq asatyn memleket» tujyrymdamasyn ornyqtyrýǵa septigin tigizedi.
Ásirese, sailaýda jeńiske jetken Amanat partiiasy osy jumysqa belsene atsalysady dep senemin.
Partiianyń tájiribesi mol, qoǵam tarapynan jan-jaqty qoldaý bar. Sondyqtan, Amanat partiiasy aldaǵy ózgeristerdiń bel ortasynda bolady dep úmittenemin», – dedi ol.
Prezident depýtattarǵa sailaýshylardyń aldynda jaýap beretinderin eskertti.
«Qysqasy, depýtattarǵa bir ǵana mańyzdy mindet júkteledi. Iaǵni, árdaiym ózgeristerdiń bel ortasynda bolý kerek. Sizder sheshim qabyldaisyzdar jáne sol úshin jurt aldynda jaýap beresizder. Halyqtyń múddesin tiimdi qorǵaý jáne elimizdegi ózekti máselelerdi sheshýge atsalysý úshin azamattarmen tyǵyz qarym-qatynas ornatý qajet. Elimizdiń negizgi basymdyqtaryn barshańyz jaqsy bilesizder.
Bul – turǵyndardyń ál-aýqatyn arttyrý jáne ulttyń jańa sapasyn qalyptastyrý. Sol arqyly tamyry tereńde jatqan memlekettilik dástúrimizdi nyǵaita túsý. Osy oraida, men Parlamenttiń aldaǵy jumysy týraly oiymdy ortaǵa salǵym keledi», – dedi Toqaev.
