Memleket basshysy kólik ministri Nurlan Saýranbaevty qabyldady, dep habarlaidy Dalanews.kz.
Kezdesý barysynda elimizdiń kólik-tranzit áleýetin odan ári arttyrý sharalary talqylandy.
Qasym-Jomart Toqaev Qazaqstan aýmaǵy arqyly júk tasymalyn ulǵaitý úshin avtomobil joldary men aviahabtar jelisin belsendi damytý mańyzdy ekenine nazar aýdardy. Sonymen qatar temirjol salasyndaǵy aýqymdy infraqurylymdyq jobalardy ýaqtyly júzege asyrý máselesine airyqsha mán berildi.
Kólik-logistika sektorynyń IJÓ-degi úlesin ulǵaitý maqsatynda ministrge kedergi keltiretin faktorlardy saraptap, salany damytý tásilderin qaita qaraý mindeti júkteldi.
Memleket basshysy kólik dálizderiniń ótkizý múmkindigin keńeitip, Qazaqstannyń Eýraziiadaǵy negizgi saýda-logistika toraby retindegi rólin nyǵaitý úshin jan-jaqty ári tiimdi sharalar qabyldaýdy tapsyrdy.
