Memleket basshysy ishki ister ministri Erjan Sádenovti qabyldady, - dep habarlaidy Dalanews.kz.
Qasym-Jomart Toqaevqa elimizdegi qylmystyq ahýal men ishki ister organdary júzege asyryp jatqan Zań men tártip qaǵidatynyń oryndalýy týraly baiandaldy.
Prezident quqyq qorǵaý organdarynyń keńeitilgen alqa otyrysynda bergen tapsyrmalarynyń oryndalý barysymen tanysty.
Ministrdiń málimetine sáikes, biylǵy 7 aida qabyldanǵan keshendi sharalardyń nátijesinde eldegi qylmys sany 9 myńǵa azaiǵan. Adam óltirý, qaraqshylyq, densaýlyqqa aýyr ziian keltirý, buzaqylyq jáne taǵy basqa negizgi qylmys túrleriniń tómendeýi baiqalady. Bul isterdi ashý deńgeii jaqsaryp keledi.
Aýyr jáne asa aýyr qylmysqa qatysy bar 146 qylmystyq top joiyldy.
Politsiia óndirisindegi barlyq qylmystyq is boiynsha azamattardyń 28 milliard teńgeden astam shyǵyny óteldi.
Erjan Sádenov qylmyskerlerdi izdestirý jumystarynyń nátijesi týraly baiandady. Esepti kezeńde izdeýde júrgen 956 adam ustaldy, olardyń 24-i shetelden Qazaqstanǵa ekstraditsiialandy. Habar-osharsyz ketken 600 adamnyń, sonyń ishinde 125 kámeletke tolmaǵannyń júrgen jeri anyqtaldy.
Internet-alaiaqtyqqa qarsy is-qimyl aiasynda 6 call-ortalyq joiyldy, 67 million jalǵan qońyraý men 3 myńnan astam alaiaqtyq sait buǵattaldy. Alaiaqtardyń 2,8 milliard teńgeni shyǵarýyna jol berilmedi.
11 tonnadan astam esirtkiniń ainalymǵa túsýine tosqaýyl qoiylyp, 19,5 myń esirtki saity buǵattaldy.
Sondai-aq ministr mas kúide jasalatyn qylmystyń aldyn alý, kadrlyq áleýetti arttyrý jáne qylmystyq-atqarý júiesin jetildirý sharalaryna toqtaldy.
Kezdesý sońynda Prezident elimizdegi quqyqtyq tártip pen qoǵamdyq qaýipsizdikti odan ári arttyrýǵa qatysty birqatar mindet júktedi.
