Senat Tóraǵasy Polsha Qazaqstannyń Eýropa Odaǵyndaǵy mańyzdy áriptesteriniń biri ekenin atap ótti.
Parlament joǵarǵy Palatasynyń basshysy parlamentaralyq únqatysýǵa qarqyn berý jáne ekijaqty ózara is-qimyldy óristetý jaiynda aitty. «Parlament Senaty eki el arasyndaǵy ekonomikalyq yntymaqtastyqty damytýǵa járdemdesýge ázir», - dedi Q.Toqaev.
Senat Tóraǵasy Memleket basshysy N.Á.Nazarbaevtyń 2016 jyly Polshaǵa barǵan sapary nátijeli bolǵanyn, sapar barysynda 845 million dollar bolatyn kelisimder men investitsiialyq jobalarǵa qol qoiylǵanyn atap óte kelip, «EKSPO-2017» halyqaralyq kórmesi aiasyndaǵy Polshanyń Ulttyq kúnderine qatysqany úshin Prezident A.Dýda bastaǵan Polsha basshylyǵyna alǵys bildirdi.
Dinaralyq yntymaqtastyqty damytý máseleleri de talqylandy. S.Hazbievich Senat tóraǵasy, Álemdik jáne dástúrli dinder liderleriniń sezi hatshylyǵynyń basshysyna Polshada 10 jyldan beri jumys istep kele jatqan katolikter men musylmandar keńesimen ózara is-qimyl múmkindigin qarastyrýdy usyndy. Q.Toqaev aldaǵy jyly qazanda Astanada ótetin kezekti Sezge daiyndyq aiasyndaǵy yntymaqtastyqqa shaqyra otyryp, «Biz únqatysýdyń kez-kelgen túrin jaqtaimyz», – dedi.
[caption id="attachment_32411" align="alignleft" width="520"]
Sol kúni Q.Toqaev iltipat bildirip kelgen Frantsýz Respýblikasynyń Qazaqstandaǵy Elshisi Filipp Martineni de qabyldady jáne oǵan izgilikti iste tabysty bolýyna tilektestigin bildirdi. Ol biylǵy qazan aiynda osy laýazymǵa taǵaiyndalǵan bolatyn. Senat Tóraǵasynyń aitýynsha, Qazaqstan iri jáne mańyzdy halyqaralyq forýmdar ótetin oryn retinde diplomattarǵa zor yqylas tanytyp otyr.
Ekijaqty qatynastardyń joǵary deńgeiin atap ótken Q.Toqaev frantsýz parlamentshilerin Astanaǵa saparlap kelýge shaqyrdy: «Bailanystar kóp ári jii bolǵan saiyn bizdiń elderimiz arasyndaǵy yntymaqtastyq ta nátijeli bola túsedi». Q.Toqaev BUU resmi tilderiniń biri retindegi mańyzyn atap óte kelip, Qazaqstanda frantsýz tiliniń keńinen qanat jaiýyna járdemdesý týraly nietine qoldaý bildirdi. Onyń aitýynsha, dostyq pen yntymaqtastyqty nyǵaitý Frantsiianyń mádeni qundylyqtaryn ilgeriletýge, gýmanitarlyq bailanystardy tereńdetýge yqpal eter edi.
Frantsiia elshisi Qazaqstan basshylyǵynyń osy kózqarasy úshin alǵys aitty jáne óz elinde qazaq stýdentteriniń úkimet pen jeke sektordan bólinetin granttar men stipendiiaǵa oqý múmkindigin alatynyn atap ótti.
F.Martine eki el arasyndaǵy strategiialyq áriptestikti nyǵaitýǵa járdemdesetin Frantsiia men Ortalyq Aziia arasynda jańa sipattaǵy yntymaqtastyq ázirlenip jatqany týraly Senat tóraǵasyn habardar etti.
