Prezident Qasym-Jomart Toqaev Dúniejúzilik densaýlyq saqtaý uiymynyń bas direktory Tedros Adhanom Gebreiesýspen kezdesti, dep habarlaidy Dalanews.kz.
Áńgimelesý barysynda Qazaqstan men Dúniejúzilik densaýlyq saqtaý uiymy arasyndaǵy yntymaqtastyqtyń qazirgi jai-kúii jáne perspektivasy talqylandy.
Memleket basshysy Uiymmen yqpaldastyqtyń jańa ári sapaly deńgeige kóterilgenine toqtalyp, sondai-aq elimizdiń jahandyq bastamalaryna udaiy qoldaý kórsetip kele jatqany úshin rizashylyǵyn bildirdi.
Kezdesýde klimat pen densaýlyq saqtaý baǵytynda birlesken zertteýler júrgizý, tsifrlyq transformatsiiaǵa arnalǵan bastamalardy ilgeriletý jáne densaýlyq saqtaý salasyna jasandy intellektini engizý máseleleri qarastyryldy.
Tedros Adhanom Gebreiesýs Qasym-Jomart Toqaevqa Óńirlik ekologiialyq sammitke qatysýǵa shaqyrǵany úshin alǵys aitty.
DDU basshysy Qazaqstanda jańa Konstitýtsiia qabyldaý arqyly saiasi reformalar men ekonomikalyq órleýdiń tabysty iske asyrylyp jatqanyn atap ótti.
Onyń aitýynsha, Uiym Qazaqstannyń óńirlik jáne jahandyq deńgeide ekologiia men sý qaýipsizdigin qamtamasyz etýge baǵyttalǵan kúsh-jigerin qoldaidy.
Kezdesý sońynda Bas direktor Memleket basshysyna Uiymnyń elimizge dárilik zattardyń ainalymyn retteý salasyn jetildirý boiynsha 3-shi deńgei berilgenin rastaityn hatty tabystady. Bul ulttyq baqylaý júiesiniń senimdiligin kórsetedi.
Qazaqstan mundai dárejege TMD elderi arasynda birinshi, al Eýropa aimaǵynda tórtinshi bolyp qol jetkizgen.
