پرەزيدەنت قاسىم-جومارت توقاەۆ دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋسپەن كەزدەستٸ, دەپ حابارلايدى Dalanews.kz.
ەڭگٸمەلەسۋ بارىسىندا قازاقستان مەن دٷنيەجٷزٸلٸك دەنساۋلىق ساقتاۋ ۇيىمى اراسىنداعى ىنتىماقتاستىقتىڭ قازٸرگٸ جاي-كٷيٸ جەنە پەرسپەكتيۆاسى تالقىلاندى.
مەملەكەت باسشىسى ۇيىممەن ىقپالداستىقتىڭ جاڭا ەرٸ ساپالى دەڭگەيگە كٶتەرٸلگەنٸنە توقتالىپ, سونداي-اق ەلٸمٸزدٸڭ جاھاندىق باستامالارىنا ۇدايى قولداۋ كٶرسەتٸپ كەلە جاتقانى ٷشٸن ريزاشىلىعىن بٸلدٸردٸ.
كەزدەسۋدە كليمات پەن دەنساۋلىق ساقتاۋ باعىتىندا بٸرلەسكەن زەرتتەۋلەر جٷرگٸزۋ, تسيفرلىق ترانسفورماتسيياعا ارنالعان باستامالاردى ٸلگەرٸلەتۋ جەنە دەنساۋلىق ساقتاۋ سالاسىنا جاساندى ينتەللەكتٸنٸ ەنگٸزۋ مەسەلەلەرٸ قاراستىرىلدى.
تەدروس ادحانوم گەبرەيەسۋس قاسىم-جومارت توقاەۆقا ٶڭٸرلٸك ەكولوگييالىق سامميتكە قاتىسۋعا شاقىرعانى ٷشٸن العىس ايتتى.
ددۇ باسشىسى قازاقستاندا جاڭا كونستيتۋتسييا قابىلداۋ ارقىلى ساياسي رەفورمالار مەن ەكونوميكالىق ٶرلەۋدٸڭ تابىستى ٸسكە اسىرىلىپ جاتقانىن اتاپ ٶتتٸ.
ونىڭ ايتۋىنشا, ۇيىم قازاقستاننىڭ ٶڭٸرلٸك جەنە جاھاندىق دەڭگەيدە ەكولوگييا مەن سۋ قاۋٸپسٸزدٸگٸن قامتاماسىز ەتۋگە باعىتتالعان كٷش-جٸگەرٸن قولدايدى.
كەزدەسۋ سوڭىندا باس ديرەكتور مەملەكەت باسشىسىنا ۇيىمنىڭ ەلٸمٸزگە دەرٸلٸك زاتتاردىڭ اينالىمىن رەتتەۋ سالاسىن جەتٸلدٸرۋ بويىنشا 3-شٸ دەڭگەي بەرٸلگەنٸن راستايتىن حاتتى تابىستادى. بۇل ۇلتتىق باقىلاۋ جٷيەسٸنٸڭ سەنٸمدٸلٸگٸن كٶرسەتەدٸ.
قازاقستان مۇنداي دەرەجەگە تمد ەلدەرٸ اراسىندا بٸرٸنشٸ, ال ەۋروپا ايماعىندا تٶرتٸنشٸ بولىپ قول جەتكٸزگەن.
