Prezidentke elimizdiń áleýmettik-ekonomikalyq jaǵdaiy, egin oraǵy jáne sý tasqynynan zardap shekken óńirlerdegi turǵyn úilerdi qalpyna keltirý jumystary týraly baiandaldy, dep habarlaidy Dalanews.kz.
Oljas Bektenovtiń aitýynsha, biyl óńdeý ónerkásibi jáne qurylys salasy ekonomikalyq damýdyń negizgi faktoryna ainaldy.
Aýyl sharýashylyǵynda da aitarlyqtai ósim bar. Elimizdegi negizgi dándi daqyldar alqabynyń 4,5 million gektarǵa jýyǵy nemese 27 paiyzy jinalǵan. Orta eseppen bir gektardan 15 tsentner ónim alynyp otyr. Shamamen 6,6 million tonna astyq bastyryldy. Bul byltyrǵy kórsetkishten 40 paiyzǵa artyq. Sharýashylyqtarǵa arzandatylǵan dizel otynyn jetkizý kestege sai júrgizilip jatyr.
Qasym-Jomart Toqaevqa sý tasqynynan zardap shekken turǵyndardy baspanamen qamtý jóninde málimet berildi. Búginge deiin 7 463 otbasy jańa qonysqa kóshti. 479 baspananyń qurylysy aiaqtalýǵa jaqyn. Sonymen qatar 9 171 otbasyna jóndeý jumystary úshin ótemaqy tólendi.
Kezdesý sońynda Memleket basshysy júrgizilip jatqan jumystyń mańyzyn atap ótip, elimizdi odan ári áleýmettik-ekonomikalyq turǵydan damytýǵa qatysty birqatar tapsyrma berdi.
