«Azamattyq qoǵamǵa qarasty institýttardyń yqpaly artqan saiyn saiasi reformalar da júrdek júredi.
Azamattyq qoǵamnyń qalyptasýy memlekettiń áleýmettik jaýapkershiligin kúsheitedi», – deidi osy oraida Dalanews-ke pikir bildirgen saiasattanýshy Arman Toqtyshaqov.
Onyń pikirinshe Ádiletti Qazaqstandy qalyptastyrý úshin halyqtyń saiasi mádenietin kóterý basty mindet.
Prezidenttiń saiasi reformalary sheńberinde birqatar mańyzdy bastamalar qolǵa alynǵan. Sonyń ishinde miting ótkizýdiń erejelerine ózgeris engizgen, budan bylai bilikke shaǵym aitqysy kelgen aýditoriia miting ótkizetin jer izdep, áýre-sarsańǵa túspedi, narazylyq aktsiiasyn jergilikti ákimdikke aldyn-ala eskertse jetkilikti.
Budan bólek partiia qurýǵa qajetti shekti deńgei tómendetildi (40 myńnan 20 myńǵa deiin). Májilis pen Máslihatta áielderge arnap 30 paiyzdyq kvota bólindi. Toqaev bilikke kelgeli aýyl ákimderi tikelei sailanatyn júie iske qosyldy, aldaǵy ýaqytta bul talap aýdan ákimderine de taralady.
Osy jaittardy tilge tiek etken Arman Toqtyshaqov Toqaevtyń bastamasymen qurylǵan Ulttyq keńestiń de óz mindetin oidaǵydai oryndaǵanyn aitady.
«Qoǵamdaǵy saiasi jáne ekonomikalyq ózgeriske degen suranys Ulttyq senim keńesi arqyly júzege asty. Osynaý quryly memleket pen azamattyq qoǵamnyń dialog ornatýyna dáneker boldy.
Onyń ornyna kelgen Ulttyq quryltai osy dialogty jańa deńgeige kóterip, Ádiletti Qazaqstandy qurý úrdisin jedeldeteri anyq.
Degenmen, budan bylai tek dialogpen shektelý azdyq etedi, ekijaqty pikir almasý barysynda azamattyq qoǵamdy qalyptastyrý men damytýǵa baǵyttalǵan ideialardy iske asyrý qajet. Memleket pen qoǵam arasyndaǵy ótken otyz jylda qulap, qirap tynǵan kópirdi tez arada qaita kóterý kerekpiz», – deidi sarapshy.
Aita ketelik, Ulttyq senim keńisi men Ulttyq quryltaidyń sarapshylar quramyndaǵy birshama aiyrmashylyqtar bar. Keńestiń qataryna negizinen memleket jáne qoǵam qairatkerleri ense, Quryltaidyń aýqymy áldeqaida keń.
Oǵan adam quqyǵyn qorǵaý salasynyń ókilderi, biznes, ǵylym men bilim, meditsina mamany, tanymal sportshylar, óner qairatkerleri jáne jastar uiymdarynyń belsendileri engen.
Ulttyq quryltai sapyndaǵy taǵy bir erekshelik: qurylymǵa árbir óńirdegi Qoǵamdyq keńestiń belsendileri de kirip otyr.
«Bul elimizdegi qoǵamdyq keńesterdiń jumysyna serpin berýi tiis. Toqaevtyń tusynda jalpyulttyq dialog deitin uǵym memlekettik deńgeige kóterilgeni qýantady. Dialog alańdarynyń kóbeigeni azamattyq qoǵamnyń erkin pikir bildirýine jol ashady. Bul óz kezegindegi bilikke aitar aryz-shaǵymy bar aýditoriianyń ashýyn tarqatyp, baiypty pikirtalas órbitýge sebepker bolady.
Azamattyq qoǵamnyń qozǵaýshy kúshi sanalatyn jastar Ulttyq quryltaidyń quramyna ótip, eldiń búgini men bolashaǵyna qatysty kózqarasymen bólisýge ázir otyr», – deidi saiasattanýshy.
Onyń pikirinshe damyǵan elderdi mundai dialog alańdary jetip artylady, olardyń uǵymynda dál mundai «ashyq alańdardyń» molynan bolýy demokratiiayń belgisi retinde baǵalanady.
Al demokratiia reitingindegi bizdiń eldiń ázirgi kórsetkishi asa máz emes. 2021 jylǵy indekske saiy Qazaqstan 128-shi orynda tur.
«Biraq, buǵan bola qaiǵyrýdyń qajeti joq. Sózden iske kóship, qoǵamdy demokratiialandyrý jolynda qaýyrt áreket etkenimiz mańyzdy. Ulttyq keńes pen Ulttyq quryltai halyqtyń saiasi saýatyn arttyrýǵa joiqyn úles qosty.
Al saiasi mádenietti artqany ýaqyt óte kele elektoraldy naýqanǵa áser etip, halyqtyń yqpalyn arttyra túsedi. Jańa Qazaqstan bul tendentsiiadan bas tartpaýy kerek. Bul júieni jańartýdyń eń basty alǵysharty», – deidi Arman Toqtyshaqov.
