Memleket basshysy Qasym-Jomart Toqaev kórnekti kinorejisser, Qazaqstannyń eńbek sińirgen qairatkeri Ardaq Ámirqulovtyń dúnieden ótýine bailanysty onyń otbasy men jaqyndaryna kóńil aitý jedelhatyn joldady, dep habarlaidy dalanews.kz.
Prezident Ardaq Ámirqulovtyń ulttyq kino óneriniń damýyna zor úles qosqanyn atap ótti.
«Ardaq Ámirqulov bar sanaly ǵumyryn kino ónerine arnap, ult mádenietin ulyqtaýǵa mol úles qosty. Kásibi kinoger retinde «Otyrardyń kúireýi», «Abai», «Qosh bol, Gúlsary!» siiaqty tarihi týyndylardy taspalap, tól rýhaniiatymyzdyń altyn qoryn baiyta bildi. Qazaq kinematografiiasyn órkendetý jolynda ustazdyq qyzmet atqaryp, daryndy shákirtter tárbieledi. Sońyna rýhani mol mura qaldyrǵan Ardaq Ámirqulovtyń imany salamat, jany jánnatta bolsyn», - dep jazylǵan jedelhatta.
Ardaq Ámirqulov Qazaqstannyń eńbek sińirgen qairatkeri, Memlekettik syilyqtyń laýreaty jáne «Qurmet» ordeniniń iegeri bolǵan.
