Memleket basshysy AQSh Kongresiniń Ókilder palatasynyń múshesi Kerol Millerdi qabyldady, - dep habarlaidy Dalanews.kz.
Qasym-Jomart Toqaev bul kezdesýdiń eki memleket arasyndaǵy yntymaqtastyqqa tyń serpin berý turǵysynan mańyzy zor ekenine nazar aýdardy.
Prezidenttiń aitýynsha, táýelsizdik alǵan sátten bastap AQSh Qazaqstannyń senimdi seriktesi sanalady.
Qazaqstan Prezidenti óńirlik jáne halyqaralyq qaýipsizdikti qamtamasyz etý, iadrolyq qarýdy taratpaý sekildi negizgi salalardaǵy, sondai-aq saýda-ekonomikalyq, investitsiialyq yqpaldastyqtaǵy birlesken tabystardy atap ótti.
Memleket basshysynyń aitýynsha, eki el arasyndaǵy taýar ainalymy turaqty túrde ósip, 4 milliard dollardan asqan.
Kerol Miller syi-qurmet kórsetkeni úshin Qazaqstan Prezidentine alǵys aityp, AQSh-tyń nátijeli dialogty jalǵastyrýǵa múddeli ekenin jetkizdi.
Áńgimelesý barysynda ekijaqty qarym-qatynastyń negizgi máseleleri talqylandy. Ásirese, energetikalyq jáne infraqurylymdyq jobalardy júzege asyrýǵa, tsifrlyq tehnologiialar men jasandy intellektini damytýǵa, sondai-aq memleketter arasyndaǵy kólik-logistika bailanystaryn keńeitýge airyqsha mán berildi.
Budan bólek, Qasym-Jomart Toqaev pen Kerol Miller óńirlik jáne halyqaralyq kún tártibindegi ózekti máseleler jóninde pikir almasty.
