Toqaev Almatydaǵy ekinshi JEO-ny gazǵa kóshirý jaiynda: Sozbaqtaýǵa negiz joq
Memleket basshysy qýat beretin jańa kózderdi jańǵyrtýdyń jáne iske qosýdyń mańyzdylyǵyn atap ótti.
Prezident Almatydaǵy ekinshi JEO-ny gazǵa kóshirý jobasyna arnaiy toqtaldy.
Bul máseleniń strategiialyq máni bar. Almaty qalasynyń ekologiiasy jáne turǵyndardyń turmys sapasynyń jaqsarýy atalǵan problemanyń sheshilýine bailanysty. Sondyqtan Úkimetke, «Samuryq-Qazyna» Ulttyq ál-aýqat qoryna ákimdikpen birlesip, ekinshi JEO-ny jańǵyrtý jobasyna qatysty máseleni túbegeili naqtylaýdy jáne ony jýyq arada iske asyrýdy tapsyramyn. Muny odan ári soza berýge bolmaidy, – dedi Qasym-Jomart Toqaev.
Almatyda ekinshi JEO-ny gazǵa aýystyrý josparlanyp otyr. Bul qorshaǵan ortaǵa keri áserdi azaitý jáne ziiandy zattardyń aýaǵa bólinýin azaitý maqsatynda jasalady. Gazǵa túpkilikti kóshý 2025 jylǵa qarai kútilýde. Ekinshi JEO-daǵy alǵashqy gaz qazandyqtary 2023 jyly jumys istei bastaityny atap ótiledi.
