Japon injenerleri bolashaqta dúniejúzindegi eń biik ǵimaratty turǵyzýǵa bel býyp otyr. El astanasy Tokioda ornalasatyn ǵimarattyń biiktigi 1700 metr bolady dep kútilýde. Osylaisha japondar taǵa da álem halqyn tańǵaldyrýǵa oqtalýda.
Búginde dúniejúzindegi eń biik ǵimarat Dýbaidaǵy Býrdj-Halifa munarasy ekeni barshaǵa málim. Onyń biiktigi 828 metr. Al jańadan salynatyn ǵimarat budan da biik bolaiyn dep tur.
Injener-qurylysshylar biik ǵimaratty Tokio qalasynyń ońtústik-shyǵys jaǵyndaǵy jaǵalaýda salmaqshy. Sondai-aq, olar alyp ǵimarattyń ainalasynda birneshe jasandy araldar salýdy da kózdep otyr. Mamandardyń esebinshe, ǵimarat 50 myń adamǵa arnalady. Biik ǵimarattyń ishinde turǵyn jailar, saýda oryndary, meiramhanalar, qonaqúi, sport zaldar, emhana men kitaphanalar ornalaspaq. Osylaisha alyp úidi mekendeýshiler syrtqa shyqpai-aq alańsyz tirshilik etýine jaǵdai jasalmaqshy. Al ǵimaratqa qajetti qýat kózi ekologiialyq taza qýat kózinen alynatyn bolady. Kohn Pedersen Fox Associates jáne Leslie E. Robertson Associates kompaniialary qurylys jumystaryn 2045 jylǵa deiin aiaqtaýdy josparlap otyr.
