2026 jylǵy 14 aqpanda toǵyzqumalaqtan dúniejúzilik, respýblikalyq jáne oblystyq federatsiialar basshylarynyń qatysýymen mańyzdy jumys kezdesýi ótti. Is-shara aiasynda Dúniejúzilik Toǵyzqumalaq federatsiiasynyń prezidenti Álihan Báimenovtiń qatysýymen resmi toǵyzqumalaq federatsiialarynyń keńeitilgen jinalysy uiymdastyryldy, dep habarlaidy Dalanews.kz.
Kezdesý barysynda Qazaqstan Toǵyzqumalaq federatsiiasynyń prezidenti Ákim Tursun toǵyzqumalaq sportyn halyqaralyq deńgeide damytý jáne ilgeriletý, ziiatkerlik sporttyń bolashaǵy men damý perspektivalary, tsifrlandyrý úderisterin engizý, sondai-aq ózara tiimdi yntymaqtastyqty nyǵaitý máseleleri boiynsha eseptik baiandama jasady. Qatysýshylar tiisti suraqtaryn qoidy.
Taraptar ulttyq murany jahandyq keńistikte keńinen nasihattaý, sheteldik seriktestermen yntymaqtastyqty kúsheitý, halyqaralyq týrnirlerdiń geografiiasyn keńeitý, tóreshiler men sportshylardyń kásibi biliktiligin arttyrý baǵyttaryna erekshe nazar aýdardy. Sonymen qatar, zamanaýi tehnologiialar men jasandy intellekt múmkindikterin paidalaný arqyly oqý-jattyǵý úderisin jetildirý, onlain platformalar arqyly oiynnyń qoljetimdiligin arttyrý jáne derekterge negizdelgen taldaý júiesin qalyptastyrýdyń mańyzdylyǵy atap ótildi.
Dúniejúzilik Toǵyzqumalaq federatsiiasynyń vitse-prezidentteri Maqsat Ramanqulov pen Muqtar Mankeev atalǵan bastamalardy tolyq qoldaityndyqtaryn bildirip, olardy jetildirý boiynsha usynystaryn jetkizdi. Sonymen qatar, Dúniejúzilik Toǵyzqumalaq federatsiiasynyń atqarýshy hatshysy Maqsat Shotai jáne Sholpan Maratqyzy ulttyq sport — toǵyzqumalaqty odan ári damytýǵa qatysty naqty usynystaryn ortaǵa saldy.
Jiyn barysynda Qazaqstan Respýblikasy Toǵyzqumalaq sporty federatsiiasynyń prezidenti Ákim Tursunǵa ministrlik ókiliniń atynan qurmet gramotasy tabystaldy.
Kezdesý qorytyndysy boiynsha qatysýshylar aldaǵy kezeńde birlesken jobalardy júzege asyrýǵa daiyn ekendikterin bildirip, toǵyzqumalaq sportyn júieli túrde damytý baǵytyndaǵy jumysty jalǵastyrýǵa ýaǵdalasty.
