Qazaqmys qaýipsizdik sharalaryn keshendi tekserý úshin óndiristik nysandardyń jumysyn kezeń-kezeńimen toqtatady, dep habarlaıdy Dalanews.kz.

Óndiristik qaýipsizdik pen eńbekti qorǵaý sharalaryn kúsheıtý maqsatynda kompanıa basshylyǵy táýekel deńgeıi joǵary óndiristik nysandarda tehnologıalyq prosesterdi ýaqytsha toqtatý týraly sheshim qabyldady. Kásiporyndardyń jumysy bekitilgen kestege sáıkes  kezekpen toqtatylady.

Jumysty toqtatý kestesi:

• 20 naýryzdan bastap – Shyǵys Jezqazǵan, Abyz, Saıaq, Qońyrat kenishteri; Nurqazǵan, Qaraǵaıly, Balqash baıytý fabrıkalary; Mamandandyrylǵan jóndeý-mehanıkalyq basqarmasy, qurylys-montajdaý basqarmasy, quıý-mehanıkalyq zaýyty jáne mamandandyrylǵan energo-jóndeý  basqarmasy.

• 21 naýryzdan bastap – Ońtústik Jezqazǵan, Aqbastaý, Qajyqonǵan, Shatyrkól, Jaısań kenishteri.

• 22 naýryzdan bastap – Batys Jezqazǵan kenishi.

• 23 naýryzdan bastap – Jylandy kenishi.

• 24 naýryzdan bastap – Jezqazǵan baıytý fabrıkasy.

• Buǵan deıin toqtatylǵan Jomart kenishinde tekseris jalǵasýda.

Barlyq jumystyń qaýipsizdik erejesine sáıkestigin tekserý úshin arnaıy komısıa quryldy. Barlyq kemshilik joıylyp, eńbek jaǵdaıynyń qaýipsizdigi rastalǵannan keıin ǵana telimderdegi jumys qaıta jalǵasady.

Kenishterdiń jumysy toqtaǵanmen, jumyskerlerge jalaqy tóleý jalǵasa beredi. Bul qadam kompanıanyń eńbek qaýipsizdigi qaǵıdattaryna adaldyǵyn jáne óz jumyskerlerine degen qamqorlyǵyn kórsetedi.

«Qazaqmys» kompanıalar Toby óz nysandarynda qaýipsizdik júıesin kezeń-kezeńimen nyǵaıtyp jatyr. Osy bastama aıasynda barlyq normatıvtik talaptardyń saqtalýyn baqylaý kúsheıtilip, eńbek jaǵdaıyn jaqsartý úshin qosymsha sharalar qabyldanady.