Qazylar alqasynyń sheshimimen «TMD-ǵa arnalǵan 100 ıdeıa» baıqaýynyń jeńimpazdary bolyp túrli baǵyttar men nomınasıalar boıynsha 12 joba tanyldy.
Avıasıalyq, ǵaryshtyq jáne kólik júıeleri nomınasıasynda Kókshetaý joǵary tehnıkalyq kolejiniń 5 kýrs stýdenti Qaıyr Álıhan «Taza sýtegimen jumys isteıtin qozǵaltqysh» jobasymen jeńimpaz bolyp tanyldy.
Jalpy, baıqaýda 11 jas qazaqstandyq 10 baǵyt boıynsha ózderiniń startap-jobalaryn usyndy.
Atap keteıik, QR Aqparat jáne qoǵamdyq damý mınıstrligi Qazaqstannyń atynan Ulttyq delegasıany jasaqtap, onyń quramyna ınovasıalyq ıdeıalary bar talantty jastar kirgen bolatyn.
Baıqaýdyń fınalynda Reseı, Armenıa, Belarýs, Qyrǵyzstan, Ózbekstan jáne Tájikstannyń jobalary usynyldy. Barlyq TMD elderinen barlyǵy 50 ótinim berildi.
«TMD úshin 100 ıdeıa» jobasy 2014 jyldan bastap eki jylda bir ret kezeńdilikpen iske asyrylady. Joba eki kezeńnen turady – Ulttyq (irikteý) jáne halyqaralyq (fınal). Jobaǵa TMD-ǵa qatysýshy memleketterdiń avtorlyq jobalaryn usynǵan 14-35 jas aralyǵyndaǵy jastar qatysa alady.
