Qazaqstanda ekologiialyq avtomobil jáne aviatsiialyq otyn óndiretin zaýyt salynady, dep habarlaidy Dalanews.kz.
KazFoodProduckts bas direktory Álihan Talǵatbek Úkimet otyrysynda kompaniianyń agroónerkásip keshenindegi óndiristi ártaraptandyrý boiynsha tabysty tájiribesi týraly aitty.
KazFoodProduckts kompaniiasy 2017 jyly Soltústik Qazaqstan oblysy Taiynsha aýdanynda jumys istemeitin "Biohim" zaýytyn satyp alǵan. Qysqa merzim ishinde aýqymdy jańǵyrtý júrgizilip, tehnologiialyq protsester qalpyna keltirilip, kásiporyn iske qosylǵan.
"Qazir jyl saiyn 300 myń tonna astyqty joǵary óńdelgen ónimderge – krahmal, bidai gliýten jáne bioetanolǵa bólip óńdeimiz. Osynyń arqasynda jai astyq eksportymen salystyrǵanda aitarlyqtai joǵary qosylǵan qun qalyptasady. Óndirilgen bioetanol Eýropa elderine eksporttalady, al gliýten bizge alys shetelderdiń, sonyń ishinde AQSh pen Japoniia naryqtaryn ashty. Óz kezeginde krahmaldy TMD jáne Aziia elderine negizgi jetkizýshi bolyp otyrmyz", - dedi Álihan Talǵatbek.
Ol "QazMunaiGaz" UK" AQ-men jáne amerikalyq seriktestermen yntymaqtastyqta TMD-da ekologiialyq taza avtomobil jáne aviatsiialyq otyn (SAF) óndiretin alǵashqy zaýyt salý jónindegi jobany júzege asyrý bastalǵanyn aitty.
Zaýyttyń qýaty – 50 myń tonna, al investitsiia kólemi - shamamen 200 mln dollar.
