Abai oblysynyń ákimi Nurlan Uranhaev «Shyǵys» ÓQ qosymsha 200 áskeri qyzmetshi men 8 birlik tehnikany otpen kúreske kómektesý úshin jibergenin atap ótti.
– Prinebesnoe, Ýspenka, Kashtak, Talitsa aýyldarynyń aýdandarynda órtti sóndirý jalǵasýda. Qosymsha kúsh Jetisý, Almaty, Qyzylorda oblystarynan, Almaty jáne Qaraǵandy qalalarynan keledi. Búgin tańerteń «Shyǵys» ÓQ-nyń 200 áskeri qyzmetshisi men 8 tehnikasy shyqty. Jedel shtabtyń jumysy táýlik boiy jalǵasady. Respýblikalyq jáne oblystyq shtabta «Qaýyrt jeli» telefonynyń jumysy uiymdastyryldy. Tańǵy saǵat 7-de aerovizýaldy tekserý júrgizildi, – dedi Uranhaev.
QR TJM órtke qarsy qyzmet komitetiniń tóraǵasy Nurbolat Derbisov órt ornyndaǵy jaǵdai turaqtana bastaǵanyn rastady.
– Búgin tańerteń órtti sóndirý jumystary jalǵasty. 8 tikushaq, sondai-aq tehnika men jeke quram sóndirý jumystaryn jalǵastyrýda. Qurǵaq jáne ystyq aýa-raiyna bailanysty órtti sóndirý qiynǵa soǵyp tur.
Qiyn jaǵdailarǵa qaramastan, ormanshylar men órt sóndirýshiler jumysyn jalǵastyrýda. Barlyq kúshter men quraldar sóndirýge jumyldyryldy. Órt ornyndaǵy jaǵdai turaqtaldy, Qorǵanys ministrliginen qosymsha kúshter tartyldy. Ekologiianyń birinshi vitse-ministri jáne TJ jónindegi vitse-ministr aerovizýaldy tekserý júrgizedi. Biz órtti oqshaýlaý úshin bárin jasaimyz, – dedi Derbisov.
