Tótenshe jaǵdailar ministri Shyńǵys Árinovtiń saǵaty jýrnalisterdiń kózine túsip, qyzý talqyǵa tústi, - dep habarlaidy Dalanews.kz NUR.KZ-ke siltep.
Ministrge Qazaqstanda qutqarýshylardyń alatyn jalaqysy týraly áńgime barysynda suraq qoiylǵan. Shyńǵys Árinov Qazaqstandaǵy sý tasqyny kezinde qutqarýshylar qansha jalaqy alǵanyn aitty. Ministrge tótenshe jaǵdai qyzmetkerlerine osy aýyr jumys kezinde nege syrt kelbetiniń ádemi bolýy talap etilgeni jóninde suraq qoiyldy.
"Meniń oiymsha, eger mundai shaǵym jasalǵan bolsa... Qutqarýshy, ásirese, pogon taqqandar uqypty kiinip júrýi kerek degen talap bar ekenin jasyrmaimyn. Syrtqy kelbeti uqypty bolýy – negizinen talap osyndai bolǵan: qyryný, taraný, formasyn taza ustaý. Mundai talap boldy, óitkeni biz basshylyq jáne jergilikti basshylyq retinde gigiena men jer-jerdegi qyzmetin qalypty atqarýǵa qajet jaǵdailardy uiymdastyrdyq", - dep jaýap berdi Árinov.
Tótenshe jaǵdailar ministrine: "Qutqarýshylar formany óz qarjysyna satyp alýǵa májbúr, al ministrlik basshysy "jyldyq jalaqyny" qolsaǵat retinde taǵyp júr degen pikir shyndyqqa janasa ma?" degen suraq qoiyldy.
"Óz aqshańa forma satyp alý jónindegi talapqa kelsek, mundai talap joq. Qyzmetkerlerimizdi tolyqtai qamtamasyz etip otyrmyz. Áttegen-aiy, sonshalyq sapaly bolmasa da, qamtamasyz etip otyrmyz. Al eki million turatyn saǵatqa keler bolsaq, bul da asyra aitýshylyq (...) Eki million turmaityny anyq. Qansha turatynyn múlde bilmeimin, bul maǵan syiǵa tartylǵan qarapaiym saǵat", - dep jaýap berdi Árinov.
Basylym málimetinshe, tótenshe jaǵdailar ministrligin basqaratyn Árinovtiń qolyndaǵy saǵat Garmin-niń MARQ Athlet saǵattaryna uqsaidy.
Saittardaǵy málimet boiynsha, Garmin - liýksti mýltisporttyq saǵattar. MARQ Athlete túri eski bolyp sanalady, biraq olardy da tabýǵa bolady. Mysaly saǵat qazaqstandyq dúkende 999 999 teńgeden tur.
Al keibir saittarda bul saǵat 1,2 million teńgeden tur.
