Áleýmettik jelide ózin aqyn Muhtar Shahanovtyń kelini retinde tanystyrǵan Jańagúl Ómirbekova qaıyn atasynyń qazirgi jaǵdaıyna qatysty málimdeme jasady, dep habarlaıdy Dalanews.kz
Onyń aıtýynsha, aqynnyń densaýlyǵy kúrt nasharlap, jaǵdaıy óte aýyr.
Jańagúl Ómirbekova jazbasynda Muhtar Shahanov aıtqanyn tez umytyp qalatyn naýqas kúıde ekenin, sondaı-aq jaqynda ekinshi ulynan aıyrylǵannan keıin psıhoemosıonaldyq jaǵdaıy qatty álsiregenin atap ótti.
Onyń sózinshe, qazirgi tańda aqyn qoǵamda bolyp jatqan jaǵdaılardan múldem beıhabar.
"Qazirgi tańda Ata qoǵamda bolyp jatqan jaǵdaılardan múldem beıhabar, osyny túsinińizder! Tynyshtyq berińizder! Ultyna ólsheýsiz eńbegi sińgen, Ana tiline ómirin arnaǵan Atamyzdy bir vıdeoǵa bola qarǵap-sileýge, qaralaýǵa eshqandaı negizi joq. Muhtar Shahanov óz Ultynyń aldynda adal perzenti bolyp máńgi tarıhta qalatyn tulǵa", - dep jazdy ol.
