"Almaty – kóshelerinde talaı myqtynyń tabanynyń taby qalǵan, án men jyrǵa arqaý bolǵan alyp shahar. Bir ókinishtisi, sol qalanyń buryshynan qýyqtaı meken buıyrmaı júrgen ónerdegi biraz aqsaqaldarymyz bar. Aıtýdaı-aq aıttyq. Tyńdaıtyn qulaq joq.
Ónerpazyna úrke qaraıtyn elde turyp jatyrmyz. Aldyńǵy býyn aǵalarymyzdy ardaqtaıtyn bir basshy tabylmaǵany ókinishti. Baryn baǵalaı almaǵan eldiń erteńine senimmen qaraýǵa bola ma?", - dep jazdy Besbaeva paraqshasynda.
Bespaev byltyrǵy jyldyń qyrkúıegine Almaty ákiminiń mádenıet salasy boıynsha shtattan tys keńesshisi bolyp taǵaıyndalǵan.
Sonyń aldynda ǵana Bespaev Saǵyntaevtyń mádenıet salasynda aýqymdy jumystar atqarǵanyn habarlaǵan bolatyn.
"Almaty ákimi qysqa merzim ishinde aýzy toltyryp aıtarlyqtaı tyń dúnıe jasady" dep maqtaǵan bolatyn
Besbaev bıylǵy jyl basynan beri Qazaqstan oryndaýshylar odaǵynyń tóraǵasy qyzmetin qatar alyp júr. Ánshi óner ıeleriniń quqyǵyn qorǵaıdy.
Meırambek Ábiláshimuly Besbaev 1976 jyly Jambyl oblysynda týǵan. Ánshi, termeshi, MýzART tobynyń múshesi. Qazaqstannyń eńbek sińirgen qaıratkeri, "Daryn" memlekettik jastar syılyǵynyń laýreaty.
