"الماتى – كوشەلەرىندە تالاي مىقتىنىڭ تابانىنىڭ تابى قالعان، ءان مەن جىرعا ارقاۋ بولعان الىپ شاھار. ءبىر وكىنىشتىسى، سول قالانىڭ بۇرىشىنان قۋىقتاي مەكەن بۇيىرماي جۇرگەن ونەردەگى ءبىراز اقساقالدارىمىز بار. ايتۋداي-اق ايتتىق. تىڭدايتىن قۇلاق جوق.
ونەرپازىنا ۇركە قارايتىن ەلدە تۇرىپ جاتىرمىز. الدىڭعى بۋىن اعالارىمىزدى ارداقتايتىن ءبىر باسشى تابىلماعانى وكىنىشتى. بارىن باعالاي الماعان ەلدىڭ ەرتەڭىنە سەنىممەن قاراۋعا بولا ما؟"، - دەپ جازدى بەسبايەۆا پاراقشاسىندا.
بەسپايەۆ بىلتىرعى جىلدىڭ قىركۇيەگىنە الماتى اكىمىنىڭ مادەنيەت سالاسى بويىنشا شتاتتان تىس كەڭەسشىسى بولىپ تاعايىندالعان.
سونىڭ الدىندا عانا بەسپايەۆ ساعىنتايەۆتىڭ مادەنيەت سالاسىندا اۋقىمدى جۇمىستار اتقارعانىن حابارلاعان بولاتىن.
"الماتى اكىمى قىسقا مەرزىم ىشىندە اۋزى تولتىرىپ ايتارلىقتاي تىڭ دۇنيە جاسادى" دەپ ماقتاعان بولاتىن
بەسبايەۆ بيىلعى جىل باسىنان بەرى قازاقستان ورىنداۋشىلار وداعىنىڭ ءتوراعاسى قىزمەتىن قاتار الىپ ءجۇر. ءانشى ونەر يەلەرىنىڭ قۇقىعىن قورعايدى.
مەيرامبەك ءابىلاشىم ۇلى بەسبايەۆ 1976 جىلى جامبىل وبلىسىندا تۋعان. ءانشى، تەرمەشى، مۋزارت توبىنىڭ مۇشەسى. قازاقستاننىڭ ەڭبەك سىڭىرگەن قايراتكەرى، "دارىن" مەملەكەتتىك جاستار سىيلىعىنىڭ لاۋرەاتى.
