Depýtat bul jańalyqty teledıdardan estigen.
"Kózime jas aldym. Bul kúnniń bolatynyn biletin edik, biraq mundaı jedeldikti kútken joqpyn. Taǵy da óziniń saıası danalyǵyn kórsetti. 30 jyl el basqarǵan kezde aldyn eshkimge boljatpaı, qandaı qadam jasaıtynyn eshkimge bildirtpeı kelgen osy bir keremet sheber qalpynda kelip, sheber qalpynda taǵyn usyndy ǵoı", - dedi Tileýhan parlament palatalarynyń birlesken otyrysynda.
Májilismen qımastyq sezimi basymyraq ekenin ashyq aıtty.
"Táýelsiz el bolǵanda 25-tegi jas jigit edik, qazir 53-ke bet alǵan jigit aǵasy bolyp qaldyq. Osy kezeń qazaqtyń aýzynan aq maı aqqan eń bir baqytty kezeńiniń qalaýshysy, óz qolymen táýelsizdiktiń kirpishin qalaǵan uly adamnyń óz taǵyn ysyryp berýi, sol eldiń bıigine qyran sıaqty ushyp kelip, sol taqtan odan da joǵary, qyran sıaqty shyńǵa qaraı bettegen tulǵa úshin maqtanysh sezimi de bar, biraq qımastyq sezimi basymyraq bolyp otyr", - dep aǵynan jaryldy depýtat.
Ol prezıdent saılaýy bolǵanda, Qazaqstandy kim basqaratynyn halyqtyń ózi sheshetinin atap ótti.
Derekkóz: sputniknews.kz
