دەپۋتات بۇل جاڭالىقتى تەلەديداردان ەستىگەن.
"كوزىمە جاس الدىم. بۇل كۇننىڭ بولاتىنىن بىلەتىن ەدىك، ءبىراق مۇنداي جەدەلدىكتى كۇتكەن جوقپىن. تاعى دا ءوزىنىڭ ساياسي دانالىعىن كورسەتتى. 30 جىل ەل باسقارعان كەزدە الدىن ەشكىمگە بولجاتپاي، قانداي قادام جاسايتىنىن ەشكىمگە بىلدىرتپەي كەلگەن وسى ءبىر كەرەمەت شەبەر قالپىندا كەلىپ، شەبەر قالپىندا تاعىن ۇسىندى عوي"، - دەدى تىلەۋحان پارلامەنت پالاتالارىنىڭ بىرلەسكەن وتىرىسىندا.
ماجىلىسمەن قيماستىق سەزىمى باسىمىراق ەكەنىن اشىق ايتتى.
"تاۋەلسىز ەل بولعاندا 25-تەگى جاس جىگىت ەدىك، ءقازىر 53-كە بەت العان جىگىت اعاسى بولىپ قالدىق. وسى كەزەڭ قازاقتىڭ اۋزىنان اق ماي اققان ەڭ ءبىر باقىتتى كەزەڭىنىڭ قالاۋشىسى، ءوز قولىمەن تاۋەلسىزدىكتىڭ كىرپىشىن قالاعان ۇلى ادامنىڭ ءوز تاعىن ىسىرىپ بەرۋى، سول ەلدىڭ بيىگىنە قىران سياقتى ۇشىپ كەلىپ، سول تاقتان ودان دا جوعارى، قىران سياقتى شىڭعا قاراي بەتتەگەن تۇلعا ءۇشىن ماقتانىش سەزىمى دە بار، ءبىراق قيماستىق سەزىمى باسىمىراق بولىپ وتىر"، - دەپ اعىنان جارىلدى دەپۋتات.
ول پرەزيدەنت سايلاۋى بولعاندا، قازاقستاندى كىم باسقاراتىنىن حالىقتىڭ ءوزى شەشەتىنىن اتاپ ءوتتى.
دەرەككوز: sputniknews.kz
