Qazaqstandaǵy TikTok ókilderi Mádenıet jáne aqparat mınıstri Aıda Balaevanyń servısti buǵattaýǵa qatysty sózine pikir bildirdi, - Dalanews.kz.
"Biz Mádenıet jáne aqparat mınıstrliginiń elimizdegi TikTok-ty buǵattaý múmkindigin qarastyryp jatqanyna tańǵaldyq, óıtkeni mınıstrlik Qazaqstandaǵy "Naýryz" onlaın-festıvali jáne qysqa beınefılmderdiń shyǵarmashylyq baıqaýy sıaqty kóptegen bastamamyzdy belsendi qoldaıdy. Ótken jumada Mádenıet mınıstrliginiń ókili is-sharada sóz sóılep, mádenıetti jáne basqa da paıdaly mazmundy ilgeriletýge kómektesetin TikTok-ty maqtady", - delingen QR TikTok ókiliniń túsiniktemesinde.
Sondaı-aq ókildik qaýipsizdik máselesine toqtaldy.
"Byltyr biz erejelerdi buzýǵa baılanysty Qazaqstanda 4 mıllıonnan astam beıneni óshirdik. Biz Qazaqstan Respýblıkasynyń múddeli organdarymen, sonyń ishinde Mádenıet jáne aqparat mınıstrligimen jáne İshki ister mınıstrligimen tikeleı jumys isteımiz. Sońǵy aılarda bizge kámeletke tolmaǵan paıdalanýshylardyń qaýipsizdigine qatysty ótinishter kelip túsken joq. Osyǵan baılanysty jáne yntymaqtastyqtyń uzaq tarıhyn eskere otyryp, mınıstrdiń málimdemesi dáıeksiz ekenin atap ótken jón", - delingen túsiniktemede.
Jeli ókilderi elimizdi platforma jumysy jalǵasatynyn senetinin aıtty.
Eske salaıyq, 22 sáýirde mınıstr Aıda Balaeva Qazaqstanda TikTok-ty buǵattaý qarastyrylyp jatqanyn aıtqan bolatyn.
