Jańa oqý jylynda elimizdiń kolledjderinde memlekettik bilim berý tapsyrysynyń kólemi 145 myń orynǵa deiin artty, dep habarlaidy Dalanews.kz.
Bul ótken jylmen salystyrǵanda 12 myń orynǵa kóp.
Osylaisha, stýdentterdi suranysqa ie mamandyqtar boiynsha tegin tehnikalyq jáne kásiptik bilimmen qamtý 90%-dy qurady dep habarlaidy QR Oqý-aǵartý ministrliginiń baspasóz qyzmeti.
Memleket basshysynyń tapsyrmasy boiynsha memlekettik tapsyrystyń 65% mashina jasaý, kólik, energetika, IT, qurylys jáne injeneriia sekildi tehnikalyq mamandyqtarǵa baǵyttalǵan. 2025 jylǵa qarai bul kórsetkish 70%-ǵa, al memlekettik tapsyrys kólemi 100%-ǵa deiin ósedi.
Sondai-aq kolledjderge talapkerlerdi kásiporyndardyń ótinimderi boiynsha jumysqa ornalastyrý mindettemesimen qabyldaý jalǵasýda. Ol boiynsha jyl saiyn 10 myń talapker qabyldanady. Bul kadrlardy eńbek naryǵynyń talabyna sáikes daiyndaýǵa múmkindik beredi.
Maman daiarlaýdyń mańyzdy bóligi - biznespen yntymaqtastyq qurý bolyp tabylady. Qazirgi ýaqytta 518 kásiporyn 410 kolledjdiń túlekterin praktikalyq daiarlaýǵa, jumysqa ornalastyrýdy qamtamasyz ete otyryp, dýaldi oqytýǵa jáne sheftik qamqorlyq kórsetýge qatysýda.
Bul sharalardyń barlyǵy jas mamandardy kásibi daiyndaýǵa jáne elimizdiń kadrlyq áleýetin arttyrýǵa baǵyttalǵan.
