Sáýirde UQK Astana qalasynda, Abai, Aqtóbe jáne Túrkistan oblystarynda dini radikaldardyń áreketiniń jolyn kesti, - dep habarlaidy Dalanews.kz.
Terrorizmdi nasihattap, dini alaýyzdyqty qozdyrdy, sonyń ishinde áleýmettik jeliler arqyly nasihattady degen kúdikpen 4 qazaqstandyq ustaldy.
UQK málimetinshe, olardyń bireýi buryn sottalǵan.
"Turǵyn úilerin tintý barysynda zattai dálelder alyndy. Qylmystyq kodekstiń 174 jáne 256-baptary boiynsha sotaldy tergep-tekserýler júrgizilip jatyr", - dep jazylǵan habarlamada.
Budan bólek UQK buryn tergegen qylmystyq ister boiynsha Aqtóbe, Qaraǵandy jáne Túrkistan oblystarynyń 3 turǵynyna qatysty aiyptaý úkimi shyqqan. Sottalǵandar áleýmettik jelide jáne ainalasyna terrorizm men dini ekstremizm ideologiiasyn taratqan.
