18 qańtarda bolǵan apattan keiin Teńiz ken ornyndaǵy munai óndirýdi qalpyna keltirý jumystary 7–10 táýlikke sozylýy yqtimal, dep habarlaidy Dalanews.kz Reuters agenttigine silteme jasap.
Oqiǵa saldarynan ken ornyn igerýshi operator jalpy kólemi shamamen 600–700 myń tonna bolatyn munaidyń bes eksporttyq partiiasyn jetkizýden bas tartqan. Atalǵan kólemder qańtar jáne aqpan ailarynda Kaspii qubyr konsortsiýmy arqyly jóneltilýi tiis bolǵan.
Aqparatqa qaraǵanda, «Teńizshevroil» kompaniiasy óndiristi keminde osy apta sońyna deiin toqtatýy múmkin. Alaida jaǵdaidyń kúrdeliligine bailanysty úderis aqpan aiyna deiin sozylýy da yqtimal.
Eske salaiyq, buǵan deiin Teńiz jáne Korolev ken oryndarynda munai óndirý toqtatylǵany habarlanǵan bolatyn. Bul aqparatty "Teńizshevroil" kompaniiasy rastady. Kompaniia málimetinshe, sheshim óndiristik nysandardaǵy elektr energiiasyn taratý júieleriniń bir bóligine áser etken jaǵdaiǵa bailanysty qabyldanǵan.
Sondai-aq, kompaniia memlekettik organdarmen tyǵyz bailanysta jumys istep jatqanyn, bolǵan jaǵdaidyń saldaryn barynsha azaitýǵa kúsh salynatynyn atap ótti.
