Bloomberg dereginshe, Exxon Mobil qyzmetker sanyn qysqartýǵa daiyndalyp jatyr. Kompaniia shaǵyn jergilikti ókildikterin jappaq jáne olardy aimaqtyq habtarǵa biriktirýdi kózdep otyr, dep habarlaidy Dalanews.kz.
Bul biznesti qaita qurylymdaýǵa baǵyttalǵan uzaqmerzimdi jobanyń bóligi. Josparlanǵan qysqartýlar korporatsiia qyzmetkerleriniń búkil álem boiynsha shamamen 3–4 paiyzyn qamtidy.
Biyl Qazaqstanda da jumys isteitin Chevron kompaniiasyn qosa alǵanda, ózge iri munai alpaýyttary da myńdaǵan jumys ornyn qamtyǵan aýqymdy qysqartý josparyn jariialady.
Alaida Exxon jaǵdaiynda áńgime birneshe jyldan beri josparlanyp kele jatqan uzaqmerzimdi qaita qurylymdaý týraly bolyp otyr.
2019 jyldan beri korporatsiia shyǵyndaryn 13,5 mlrd dollarǵa qysqartqan. Bul shara oǵan tabysty saqtap qana qoimai, óndiristik kórsetkishterdi arttyrýǵa múmkindik berdi. Qazirgi tańda Exxon Mobil qurylymdarynda 61 myń adam jumys isteidi.
Josparlanǵan qysqartýlar men aimaqtyq keńselerdi irilendirýdiń Qazaqstandaǵy Exxon Mobil jobalaryna áseri ázirge belgisiz. NCOC amerikalyq korporatsiiasynyń quramynda Qashaǵan ken ornyn igerý konsortsiýmyndaǵy 16,81% úleske, sondai-aq «Teńizshevroil» JShS-degi tórtten bir úleske ielik etedi.
