Tenge Oil & Gas kompaniiasyna óndiristik qaýipsizdik talaptaryn buzǵany úshin taǵy da aiyppul salynbaq, dep habarlaidy dalanews.kz.
Nege.kz málimetinshe, Mańǵystaý oblysy Tótenshe jaǵdailar departamentiniń Ónerkásiptik qaýipsizdik basqarmasy kompaniiaǵa tiesili qaýipti óndiristik nysandardy teksergen. Buǵan deiingi josparly tekserý kezinde 54 zańbuzýshylyq anyqtalyp, olardy joiý jóninde nusqama berilgen.
Alaida keiin júrgizilgen jospardan tys tekseris kompaniianyń tórt talapty áli de oryndamaǵanyn kórsetti. Osyǵan bailanysty Tenge Oil & Gas qaitadan ákimshilik jaýapkershilikke tartylmaq.
Eske salaiyq, kompaniiaǵa jyl basynan beri taǵaiyndalǵan aiyppuldardyń jalpy kólemi 27,3 mln teńgeden asqan.
Tenge Oil & Gas kompaniiasy 2015 jyly Jańaózen qalasynda tirkelgen. Kásiporyn munai jáne ilespe gaz óndirýmen ainalysady.
