20 qarasha – Halyqaralyq temekiden bas tartý kúni bolyp belgilengen. Bul kúni kóptegen elderdiń jastary shylym tartpaýǵa úndeitin túrli sharalar uiymdastyryp jatady.
Sol siiaqty Almaty qalalyq salaýatty ómir saltyn qalyptastyrý ortalyǵy qalalyq bilim berý basqarmasynyń qoldaýymen joǵary synypta oqityn oqýshylar arasynda Jastar aktsiiasyn ótkizdi.
Bul kúni ońtústik shahardaǵy joǵary synyptarda oqityn 120 myńǵa tarta shákirtke jasóspirim aǵzaǵa shylymnyń qanshalyqty ziiandy ekendigin dáiekteitin áleýmettik rolikter kórsetildi. Bul beinejazbalarda keleshektegi adamdardyń densaýlyǵyna qatysty jahandyq máseleler bar.
Osynaý shara aiasynda teledidar aldynda otyrǵan oqýshylarǵa ózderi jaqsy kóretin óner juldyzdary salaýatty ómir saltyn ustanýdyń igilikteri jaily nasihat aitty. Máselen, Qazaqstannyń halyq artisi Roza Rymbaeva, Almaty qalalyq máslihatynyń depýtaty Ginnestiń rekordtar kitabyna engen Dmitrii Petrýhin syndy tanymal adamdardyń ósietti áńgimeleri oqýshylarǵa jaqsy áser etkeni baiqaldy.
Degenmen, jastarǵa kórsetilgen siýjetter qorqynyshty kartinalardan ada bolmaǵanyn da aitý kerek. Nikotinnen qaraiǵan ókpe, insýlt jaǵdaiyndaǵy mi qyrtystary, anasynyń jatyrynda temekige tunshyqqan sharana shylym tartýdyń aýyr saldarlarynan shoshytarlyqtai edi.
Áleýmettik rolikterden keiin almatylyq mektep oqýshylary temekiniń ziiandyǵy jaily ózara pikir almasty.
Ainash ESALI
