Qazaqstanda azamattardy telefon alaiaqtarynan qorǵaý úshin resmi uiymdardan túsetin qońyraýlar arnaiy tańbalanyp kórsetiledi, dep habarlaidy dalanews.kz.
Bul týraly Ortalyq kommýnikatsiialar qyzmetinde ótken brifingte Jasandy intellekt jáne tsifrlyq damý vitse-ministri Dosjan Musaliev málimdedi.
Vitse-ministrdiń aitýynsha, jańa júie arqyly bank, memlekettik organ nemese qyzmet kórsetetin kompaniialardan túsetin resmi qońyraýlar kezinde telefon ekranynda uiymnyń ataýy kórsetiletin bolady.
«Resmi qońyraýlar kezinde bankterdiń jáne qyzmet kórsetetin kompaniialardyń ataýy telefon ekranynda kórsetiledi», – dedi Dosjan Musaliev.
Ministrdiń málimetinshe, bul jańashyldyq azamattardy telefon arqyly jasalatyn alaiaqtyqtan qorǵaýǵa baǵyttalǵan.
Resmi uiymdardyń qońyraýlaryn tańbalaýdy kózdeitin zańnamalyq túzetýler tamyz aiynyń sońynda kúshine enedi.
