Prezident Qasym-Jomart Toqaev mańyzdy qujatqa qol qoidy, - dep habarlaidy Dalanews.kz.
Bul qandai zań?
Memleket basshysy "Qazaqstan Respýblikasynyń keibir zańnamalyq aktilerine densaýlyq saqtaý, oiyn biznesi jáne artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń zańyna qol qoidy.
Osylaisha myna zańdarǵa túzetýler engizildi:
- "Halyq densaýlyǵy jáne densaýlyq saqtaý júiesi týraly" kodekske,
- "Jarnama týraly",
- Oiyn biznesi týraly",
- "Mindetti áleýmettik meditsinalyq saqtandyrý týraly".
Qandai ózgerister engizildi?
Densaýlyq saqtaý salasy boiynsha:
- Qaterli isikke qarsy skriningter endi tegin bolady, mindetti áleýmettik meditsinalyq saqtandyrýsyz-aq.
- Múmkindigi shekteýli azamattarǵa estý apparattary tegin beriledi.
Qumar oiyndarǵa shekteý:
- Býkmekerler jarnamasyn telefon arqyly tarata almaidy.
- Onlain platformalar arqyly bás tigýdi nasihattaýǵa tyiym salyndy.
- Sottalǵan jáne bostandyǵy shektelgen azamattar qumar oiyndarǵa qatysa almaidy.
