Is-sharanyń spikerleri retinde «Jas Otan» JQ tóraǵasy N.Jetpisbaev, Pavlodar oblysynyń kásipkerlik jáne indýstrialdy-innovatsiialyq damý basqarmasy basshysynyń orynbasary, Prezidenttik kadr rezerviniń múshesi S.Nýrikimbaev, jas aitysker aqyn, 109 birińǵai bailanys ortalyǵynyń direktory,bloger-jýrnalist A.Qabdrash, shoýmen jáne JS «Kaýsar» direktory A.Kýrýmbaev, BUKAFILM komandasynyń nenizin salýshy, «Bratishki» serialynyń prodiýsseri B.Sýleimenov qatysty.
Kezdesý barysynda spikerler jastarǵa arnalǵan múmkindikter týraly, salaýatty ómir salty men áleýmettik belsendilik týraly, jumysqa ornalasý jáne tabysqa jetý úshin qajetti daǵdylar týraly, jas kásipkerlerdi qoldaý týraly, art, PR jáne media-menedjment týraly aityp, kino ónerin damytýdaǵy óz bilimderi men tájiribelerimen bólisti.
"Jas Otan" JQ tóraǵasy Nurjan Jetpisbaev is-shara «Bilim berý protsesine jáne jumyspen qamtýǵa tartylmaǵan jastardy áleýmettendirý sharalaryn ázirleý jáne iske asyrý (NEET sanaty) jobasy aiasynda uiymdastyrylǵanyn atap ótti.
Jobalyq keńse aiasynda «Jas Otan» óńirlik filialdarymen birlesip NEET sanatyndaǵy jastardy qoldaýdyń memlekettik baǵdarlamalary boiynsha aqparattyq-túsindirý jumystary, qujattardy resimdeýge, jumysqa ornalasýǵa jáne oqýǵa kómek júrgizilýde.
Maqsatty aýditoriia úshin NEET jastarymen keńeitilgen jumys júrgizý úshin turǵylyqty jeri boiynsha konsýltatsiialar ótkizildi. NEET sanatyndaǵy jastar arasynda jastardy qoldaýdyń memlekettik baǵdarlamalary týraly aqparattyq-túsindirý jumystaryn júrgizý, qujattardy rásimdeýge, jumysqa ornalastyrýǵa, oqýǵa járdemdesý úshin 2 myńǵa jýyq belsendi jastar pýly quryldy.
Kezdesý NEET sanatyndaǵy jastar arasynda qarym-qatynasty yntalandyrý jáne ideialarmen bólisý maqsatynda, Pavlodar qalasy, S. Toraiǵyrov atyndaǵy oblystyq ámbebap ǵylymi kitaphanasynda ótti.
Joba «Azamattyq bastamalardy qoldaý ortalyǵy» KEAQ memlekettik granty aiasynda QR Aqparat jáne qoǵamdyq damý ministrliginiń qoldaýymen Batys Qazaqstan oblysy boiynsha «Bolashaq» Korporativtik qorymen «Jas Otan» Jastar Qanatymen birlesip júzege asyrýda.
