Tazabekov ne deidi?
Áleýmettik jelidegi bólisken jazbasyna qatysty dini arnanyń direktory bylai dep túsinikteme bergen.
"Serke.orq saity meniń áleýmettik jelide bólisken (repost jasaǵan) jazbam týraly maqala jariialaǵan eken.
Maqalanyń qysqasha mazmuny – úndistandyq bir ǵalymnyń qaitys bolǵany men onyń janazasyna millionǵa jýyq adam jinalǵanyn habarlaǵan "ásire radikal oi aityp júretin adamnyń" jazbasynan "qatty áserlenip", onyń «qaýipti adam ekenin bilip turyp bóliskenim» jáne «on myńdaǵan adamdy jat aǵymmen ýlap jibergenim» týraly.
Buǵan qosa, búrkenshik esim jamylǵan avtor meni "ýahabilik ýaǵyzdy halyqqa tyqpalap júr jáne muny moiyndamaidy" dep aiyptap, Aqtóbe men basqa aimaqtarda bolǵan terrorlyq akti jasaýshylarmen bailanystyrǵan jəne endi "qutylyp ketýi neǵaibyl" dep jazady.
Sonymen qatar, osy maqalany bólisken Aigúl Orynbek qaryndasymyz óz postynda meni "din salasynda qanshama jyl stajy bar adamnyń aqparatty bóliskende shatasýy múmkin emes" dei kele, "naǵyz terroristiń jazbasyn bólisýshi" zań aldynda jaýap bersin dep úmittengen eken" deidi Tazabekov.
"Asyl arnanyń" direktory ózine taǵylǵan aiyptaýlardy joqqa shyǵaryp otyr. Aitýynsha, feisbýkte milliardtan asyp jyǵylatyn qoldanýshy bar. Mundaǵy jurttyń bárin jete tanyp, olardyń baǵyttaryn bilip júrý múmkin emes.
"Ádette, áleýmettik jelide aqparat bólisken ýaqytta avtory emes, jazba kontentine kóńil bólemiz. Al atalǵan jazba janaza týraly jáne onda zańǵa qaishy keletin, «qutylyp ketýim neǵaibyl» dúnie bolmaǵanyn aitqym keledi.
Post avtorymen tanys emespin jáne onyń basqa jazbalarymen tanysyp, ustanymyn bilgen bette, jyldam paraqshamnan alyp tastadym. Tiisinshe, onyń "qaýipti adam ekenin" bilip turyp jariialaýym jáne az ýaqyttyń ishinde "on myńdaǵan adamdy jat aǵymmen ýlap jiberýim" əste múmkin emes.
Sondyqtan zań aldynda jaýap bersin degen «úmitterdiń» de orynsyz ekensiz aitqym keledi.
Kerisinshe, maqala men ony bólisýshilerdiń meniń atymdy Aqtóbe men basqa aimaqtarda bolǵan terrorlyq aktilermen bailanystyrýy jáne ýahabilik ýaǵyzdy tyqpalap júr deýi - kórineý jəne bedelimdi túsiretin aqparat dep bilemin. Atalǵan jaǵdaiǵa bailanysty QR Konstitýtsiiasy men zańdaryna sáikes óz abyroiymdy qorǵaý maqsatynda quqyq qorǵaý organdaryna shaǵym túsirý quqyǵym baryn jəne zańgerlermen keńesý jasap jatqanymdy habarlaimyn" deidi Tazabekov.
Orynbek ne deidi?
Tazabekov bólisken áleýmettik jelidegi jazba jurttyń nazaryna birden ilikken. Alǵashqylardyń biri bolyp bul týraly zańger, áleýmettik jeli belsendisi Aigúl Orynbek jazǵan.
"Aýyldyń baldary repost pen laik úshin qamalyp ketip jatyr, al Muhametjan Tazabekke zańdy túrde jaza joq pa?" degen bloger bul jazbanyń Ulttyq Qaýipsizdik Komitetiniń tóraǵasy K.Məsimovtyń nazaryna iligýi kerektigin aitqan.
Onyń aitýynsha, mundai aqparatty bóliskende din salasynda qanshama jyl stajy bar adamnyń shatasýy múmkin emes.
"Dúrdei bir dini arnanyń direktory "Bilmei qaldym "- dep balanyń əńgimesin aitpai -aq qoisyn! Naǵyz terroristtiń jazbasyn bólisip, oqyrmandaryna ne aitqysy keldi eken? Zań bərimizge ortaq! Bólisken posty úshin zań aldynda jaýap bersin! Bas Prokýratýra nemquraily qaramaidy dep úmittenemin!" degen-tuǵyn Orynbek.
Is nasyrǵa shapty ma?
Bul iske osymen núkte qoiylýy da múmkin edi. Alaida Aigúl Orynbektiń aitýyna qaraǵanda, oǵan qoqan-loqy jasalanyp jatyr. Áleýmettik jeliden jalǵan paraqsha ashqan bóten bireýler ony qorqytyp-úrkitpek bolǵan. Bul týraly zańger bylai dep jazdy.
"Maǵan jekege jalǵan paraqshalarmen ashylǵan adamdardan qoqan loqy jasalynyp jatyr.
Maǵan qandaida qastandyq jasalynatyn bolsa, Muhametjan Tazabekten onyń artynan erýshi shəkirtteri ma , tyńdaýshylaryma solardan kúdiktenemin!
Sebebi keshe men Muhamedjan Tazabek ekstremizm baǵytyn taratýshy adamnyń postyn bóliskeni úshin zańdy túrde jazasyn alsyn degen bolatynmyn! Al ol kisi óziniń qatelesip bólisken posty úshin meni sotqa berem dep post jazypty. Sonyń septigi bolar Muhamedjan aǵamnyń ýaǵyzyn tyńdap júrgen shabarmandar maǵan shaýyp, qoqan loqy jasap jatqany.
Búkil kelgen hattardy skrinshottap UQK -ǵa aryz daiyndap jatyrmyn!".
Tazabekov jaýap qatty
Ile-shala zańgerdiń jazbasyna Tazabekov jaýap qatqan.
"O zamanda bu zaman, qazaq qyz balasyna qoqan-loqy jasap qorqyta ma eken? Qyzdy qorqytpaq túgili, qyzdyń aldynda artyq sóileýdi ar sanaityn erlerdiń urpaǵy emes pe edik... Erkelesin... Oiyndaǵysyn aitsyn... Armanda qalmasyn...
Egemen elde, erkindik alańy áleýmettik jelide aitpaǵanda qaida aitady. Óz sózi óziniki...Shynymen men renjip qap, bireýge ótinip, birdeńe jazǵyzyp jatyr, dep, jurt oilap qalar. Áleýmettik jeli ashylǵaly beri qorǵanýmen kele jatyr ekenmin. Bireýge tura umtylǵan kezim joq. Eshkimge qamshymdy shiyryp, qalamymdy ushtap kórmeppin", – dedi Tazabekov.
Onyń aitýynsha, kisige jumsaityn toby joq.
"Aqymdy alyp kep ber, deitin adamym joq.
Siynarym da, súienerim de- jalǵyz Alla!
Aigúlde nem bar?
Solai oilady, sosyn jazdy..." dep jazypty ol.
Quspan ne deidi?
Al Orynbekke qoldaý kórsetken áriptesi Abzal Quspan "olar qaryndasymyzdyń ómirine qaýip tóndire bastady, ázirge sóz júzinde, al erteń iske asyra bastamasyna kim kepil?" deidi.
Onyń aitýynsha, Aigúlge jasalǵan qoqan-loqqy, Qazaqstandaǵy jańa qalyptasyp kele jatqan azamattyq qoǵamǵa kórsetilgen doq, naqty qaýip.
"Sol sebepti Ulttyq qaýipsizdik komitetin Aigúldiń aryzyn jan-jaqty, tolyq, obektivti tekserýge shaqyramyn. Aigúldiń jeke basyna qatysty jaǵdai barsha qoǵam qadaǵalaýynda ekenin eskertemin! " dep jazypty Abzal Quspan.
(jalǵasy bar)
